BISPU LARANTUKA HUSU HAMETIN HISTORIA PASADO

Bispu Larantuka, Indonesia, Dom Andre Martinos Dias Feras de Godinho, husu ba Manatuto oan sira tenke hametin historia pasado ne’ebe maka beiala Larantuka tama iha Manatuto hodi hadame Manatuto oan ho Santo Antonio iha tinan 200 liu ba.

“Momentu ida ne’e ami sente durante tinan 200, ami buka historia lolos relasaun entre kerajaan ( liurai) antigu Manatuto ho Liurai Larantuka katak, husi Avo nomos beiala sira durante tinan 200 mai iha fatin ida ne’e (Manatuto) hodi hadame Manatuto oan sira,” haktuir Dom Andre.

Nia relembra katak, Iha momentu ne’eba Beiala sira husi Larantuka, komunidade Manatuto foti hanesan liurai ba Manatuto oan sira iha tinan 200 liu ba banhira lori Santo Antonio tama iha Munisípiu Manatuto iha tinan 1815.

“Momentu ida ne’e hanesan inisiu ba relasaun entre kerajaan (Liurai) Manatuto ho Larantuka atu ke’e hikas historia no kultura ida-idak,”afirma Dom Andre ba JN-Diário sira hafoin partisipa selebrasaun Vicentenario Santo Antonio nomos rekonsiliasaun iha Igreja Paroquia Santo Antonio Manatuto, Sabadu (13/06).

Tuir Liurai Larantuka ne’e katak, rekonsiliasaun ne’ebe maka Manatuto oan sira halo hanesan banati tuir Liurai Larantuka ne’ebe maka tinan 200 liu ba mai iha Manatuto hodi hadame Manatuto oan sira.

Tanba ne’e, nia dehan, Manatuto oan sira hanesan mos maun alin Larantuka, tanba liu husi historia pasado ne’ebe maka iha kontinua fortifika no hametin relsaun entre Larantuk ho Manatuto oan.

“Ha’u husu atu rekonsiliasaun ne’e katak Manatuto oan sira tenke konsidera maun alin hanesan aas liu buat hotu, tanba ami hanesan maun alin,”Dom Andre Martinos Dias Feras de Godinho dehan.

Liu husi rekonsiliasaun ne’e Liurai larantuka ne’e mos espera katak, relasaun talisilaturahmi ne’ebe maka kleur ona kotu ikus mai hatutan fila fali iha loron historiku tinan 200 santo Antonio iha Manatuto.

Iha fatin hanesan, Amo Bispu Larantuka, Fransiscos Kopan khun hatete, rekonsiliasaun hanesan luta santo Antonio tanba hanesan maun alin ida deit iha sosiedade Manatuto hakarak simu malu iha selebrasaun Vicentenario santo Antonio.

“Em geralemente santo Antonio halibur hikas maun alin sira ne’ebe maka durante ne’e fahe malu ohin hamutuk fila fali, tanba ne’e selebrasaun ida ne’e hanesan selebrasaun fiar tanba santo Antonio hanesan padrueiru ba komunidade no sarani Manatuto,”dehan Amu Bispu Larantuka ne’e.eus

Jornal Nacional