DILI
- Autor neebe tiru mate Luis Ramos tama ona Prosesu investigasaun, no Komandu
Operasaun Konjunta (KOK) neebe lidera hosi F-FDTL ho PNTL prontu fo apoiu ba
vitima Luis Ramos nia fen ho oan sira, tamba durante nee Vitima fo nia
kontribuisaun hodi sai mata dalan KOK.
Tuir
Vice Xefe Estadu F-FDTL Brigaderu Jeneral Filomino Paixao katak, iha Sesta
dader oras tuku hat madrugada membru KOK tiru sala Luis Ramos neebe maka
durante nee sai mata dalan ba operasaun Konjunta, kaju nee agora iha ona
Polisia Kriminal no sei submete mai iha Estadu hodi nunee prosesu nee lao tuir
Lei hakarak.
Hau
hanoin ita moris iha Lei nia okos, tamba nee prosesu ba vitima Luis Rambo nee
lao hela, no ami seidauk simu rejultadu autopsia, maibe konfirma duni
katak vitima nee mate tamba hetan tiru hosi arma F-FDTL nian fiar katak
informasaun eskrita nee sei too mai ho rejultadu neebe hanesan,” dehan Vice
Xefe Estadu F-FDTL Brigaderu Jeneral Filomino Paixao liu hosi konfrensia
imprensa, Tersa (07/07/2015) iha Kuartel Jeral Fatuhada Dili.
Nia
informa liu tan katak, forsa neebe maka tiru oras nee desarma hotu ona iha
Komandu KOK hodi submete ba iha prosesu investigasaun.
Iha
parte seluk Direktur Ezekutivu HAK Manuel Monteiro hateten, estadu tenke
tau matan ba familia vitima Luis Ramos, oinsa atu fo ninia oan ba eskola too
iha nivel Universidade no tulun mos familia vitima sira nia sofrementu.
Informasaun kompletu iha STL Jornal no STL Web, edisaun Kuarta (8/7/2015). Madalena
Horta
Suara Timor Lorosae
Sem comentários:
Enviar um comentário