DILI
- Membru Parlamentu Nasional husi bankada FRETILIN, deputadu Manuel de Castro
hatete, ONG Sira bele kritika, maibee tenki fundamental no fo solusaun labele
kritika deit, laiha solusaun.
Kestaun
nee deputadu Manuel de Castro hatoo relasiona ho statementu neebe fo sai husi
ONG Asia Justice and Right (AJAR) katak, Governu hari projetu ZEEMS iha Ocusse
nee fo benefisiu ba emprejariu Timor oan sira, laos fo benefisiu ba Povu
Oecusse.
Hau
le tia ona jornal, dehan nee ladiak, mais solusaun saida mak ita boot sira fo,
tenki fo solusaun, mais koalia deit hanesan nee hau mos bele koalia
loron-loron, sira rona duni, hau mos le katak iha ita nia emprejariu lokal sira
nee mak kestiona buat sira nee, entaun sira mos mai hatutan, maibee sira
seidauk fundamentu, hare didiak,” dehan deputadu Manuel ba jornalista sira iha
PN, Dili, Kuarta (29/07/2015).
Nia
hatete, tamba saida mak hotu-hotu koalia dehan katak projetu kualidade laiha,
projetu kualidade laiha nee ema estranjeiru deit mak halo, PDD sira nee ema
estranjeiru mak halo. Deputadu Manuel hatete, hotu-hotu hamutuk husu, maibee
labele rona deit, tamba ONG laos politiku.
Iha
fatin hanesan Presidente bankada PD, deputada Maria Lourdes Bessa hatete, ZEEMS
nia rasik iha Parlamentu iha asesoen, bele partial tan informasaun liu tan
konaba prosesu neebe lao iha ZEEMS iha Oecusse. Informasaun kompletu iha STL
Jornal no STL Web, edisaun Kinta (30/7/2015). Carme Ximenes
Sem comentários:
Enviar um comentário