Dom Basilio do Nasicemnto: “Tinan 500 Laos Selebra Loron Evangelizasaun”

OECUSSE – Administrador Apostoliku Diocese Dili no Bispu Diocese Baucau Dom Basilio do Nasimento, hatete selebrasaun tinan 500 neebe mak governu prepara iha Oecusse, nee laos atu selebra tinan 500 Evangelizasaun maibe selebra loron inkontru de kultura Portugues no Timor Leste.

Deklarasaun nee Administrador Apostoliku Diocese Dili no Bispu Diocese Baucau Dom, Basilio do Nasimento, fo sai ba jornalista sira iha jardim Lifau-Oecuse Kuarta (25/11), wainhira ba hare direita monumentu misionariu sira nian neebe mak hari ona hosi governu.

Selebrasaun agora nee laos 500 evangelizasaun maibe agora atu selbera nee tuir hau nia hatene selebra 500 enkontru de kulturas entre kulura Portugues nomos kultura Timorenses nee duni iha nee evangelizasaun klaru tama maibe buat evangelizasaun nia los nee ita taka ona iha loron 15 de Agostu,” dehan Dom Basilio.

Dom Basilio hatutan iha selebrasaun tinan 500 inkontru kultura entre Portugues no Timorense nee iha buat importante 3 hodi fo hanoin ba povu TL, katak primeiru grasa ba Maromak tanba iha tinan 500 nia laran TL sai hosi nakukun hodi nakfila ba Nasaun, liu hosi biban hirak nee halo ema hotu kontente no terseiru liu hosi biban sira nee mos konvida Timor oan tomak iha tempo agora konaba istoria TL.

Iha fatin hanesan Amu Paroco Parokia Numbei-Oecusse, Pe. Albino Marques, mos hatete iha inagurasaun ba monumentu Misionariu Portugues nee sei partisipa hosi bainaka especial hanesan Amu Bispu hosi Atambua no Romania maibe hosi Portugal laiha. Informasaun kompletu iha STL Jornal no STL Web, edisaun Kinta (26/11/2015). Thomas Sanches-Timotio Gusmao

Suara Timor Lorosae