Rehabilitasaun Jardim Lifau, Gasta Osan 1 Milliaun

OECUSSE – Governu Timor Leste liu husi Ministeriu Turismu Arte no Kultura, gasta orsamentu ba rehabilitasaun jardim Lifau-Oecusse hamutuk 1 Milliaun hodi prepara ba selebrasaun tinan 500 Misionariu tama TL.

Informasaun nee fo sai husi Ministru Turismu Arte no Kultura, Fransisco Calbuadi Lay, ba jornalista sira iha jadrim Lifau-Oecusse Kuarta (26/11).

Total orsamentu neebe gasta ba jardim tomak nee hamutuk 1 Miliaun maibe too agora jardim nee rasik seidauk pronto, no hau bele garantia sei remata molok inagura iha 27 loraik. Konaba karabela (roo) nee gasta osan 2 Miliaun nee halo iha Portugal nia todan 8 tonelada ba karabela nee no uma tonelada ba estatua 8, nee halo hosi tembaga,” dehan Calbuadi.

Nia hatutan preparasaun ba monumentu nee rasik atinji ona 100% no konaba jardim Lifau-Oecusse nee rasik sei kontinua depois de komemora loron 28 de Novembru, no iha loron 28 de Novembru governu liu hosi Ministriu Turismu sei intrega ona jardim Lifau-Oecusse nee ba ZEESM.

Iha fatin hanesan mandor ba kompania neebe mak kaer projeitu konaba rehabilitasaun jardim Lifau-Oecusse inklui prepara karabela nomos estatua hamutuk 8 nee neebe mak lakohi temi nia naran hatete preparasaun oras nee atinjiji ona 75%, no sei remata iha loron ida ou rua nia laran molok intrega ba ZEESM. Informasaun kompletu iha STL Jornal no STL Web, edisaun Kinta (26/11/2015). Thomas Sanches-Timotio Gusmao

Suara Timor Lorosae