Ezekusaun OJE Husi 2010-2015 Tun Makas

DILI - Governu kontinua propoin Orsamentu Jeral Estadu tinan-tinan sae makas, maibe ninia ezekusaun kada tinan sempre tun, nee hatudu katak hovernu la iha kapasidade atu hadia dezenvovimentu iha pais nee.

Lia hirak nee hatoo husi Diretur Ezekutivu Luta Hamutuk Mericio Akara, liu husi konferensia imprensa, nebe halao iha Farol, Dili, Kuarta (25/11/2015).

Rezultadu evoluasaun govrnu liu husi Yellow Rood Workshop iha tinan 2014 nunee mos liu husi sorumutu jornadas orsamentu deklara katak alokasaun OJE sempre boot kada tinan, maibe nia rezultadu kiik, la iha rezultadu no taxa ezekusaun kata tinan sempre tun, tamba husi tinan 2010, governu ezekuta 91%, 2011 ezekuta 83%, 2012 ezekuta 66%, 2013 ezekuta 65%, 2014 ezekuta 60% no 2015 ezekuta 65%, persentasen ezekusaun nee tun, tamba Minsteru sira nia kapasidade minimu, neduni seidauk sufisente atu absolve nuneru orsamentu neebe boot no aumenta kada tinan,” hateten Akara.

Nia hatutan liu husi ezekusaun kada tinaa tun nee, hatudu katak IV Governu konstitusional too VI Governu, seidauk bele lao tuir espetativa publiku. Nunee mos hare ba proposta OJE 2016, neebe ho dotasaun orsamentu annual hamutuk Bilaun 1.562.2, nee la haktuir ona komitmentu governu neebe mensiona iha jornada orsamental, neebe deside katak emvelope fiskal ba tinan 2016 maka bilaun 1.3.

Iha parte seluk Observador Politiku Jose Leon Belo hateten governu aprova no aloka orsamentu ba Ministeu no sekertariu estadu sira hodi ezekuta para hadia dezenvovimentu ba nasaun no povu. Informasaun kompletu iha STL Jornal no STL Web, edisaun Kinta (26/11/2015). Joao Anibal

Suara Timor Lorosae