DILI –
Membru deputadu hosi Partidu Demokratiku (PD) lamenta tebes wainhira Primeiru
Ministru Rui Maria de Araujo la esplika detail konaba projeitu ZEESM, neebe mak
lidera husi deputadu Mari Alkatiri maibe fo fali ba deputadu Mari Alkatiri mak
atu esplika.
Tuir
deputadu husi bankada PD neebe hanesan mos Vise Prezidenti Parlamentu Nasional
(PN), Aderito do Nasimento, liu hosi diskusaun OJE 2016 iha PN Kuarta (2/12)
hatete lolos nee Primeiru Minsitru mak tenke esplika laos fo fali ba deputadu
Mari Alkatiri.
Hau
la aseita ho deklarasaun Primeiru Ministru nian neebe mak koalia konaba ZEESM
dehan so Prezidente ZEESM mak bele resposta nee hau la aseita, tanba Prezidente
Autoridade agora tur iha nee hanesan deputadu no lolos nee PM mak tenke esplika
ba ami tanba ami lakohi halo debate ho deputadu ida tanba nee laos debate iha
komisaun,” dehan Adriano.
Nia
hatutan hanesan deputadu ida nia preokupa tebes kuandu kontinua dun malu
wainhira atu halo esplikasaun konaba projeitu ZEESM neebe mak lidera hosi
deputadu Mari Alkatiri, tanba tuir nia lolos nee xefe governu mak tenke esplika
laos deputadu Mari Alkatiri maske asumi mos kargu hanesan Prezidente Autoridade
Zona Espesial Oecusse.
Iha
fatin hanesan deputadu PD, Virgilio Hornai hatete publiku persija hatene tanba
alokasaun orsamentu neebe mak tau ba ZEESM nee bot tebes, tanba nee hakarak ka
lakohi tenke iha prosesu ida neebe mak transparansia. Informasaun kompletu
iha STL Jornal no STL Web, edisaun Kinta (3/12/2015). Thomas Sanches
Suara Timor Lorosae
Sem comentários:
Enviar um comentário