ATUASAUN PNTL BA ARTEMARSIAIS TUIR REZOLUSAUN GOVERNU

Komandante Jeral (KomJer) Polisia Nasional Timor Leste (PNTL) Komisariu Julio da Costa Hornay, hateten, durante ne’e polisia halo atuasaun hodi kaptura grupu artemarsiais balu ne’ebe sei hala’o ninia atividade ne’e tuir rezolusaun Governu nian.

Grupo artemarsiais balu ne’ebe hala’o atividade polisia kaptura ne’e la kontra rezolusaun ne’ebe mak Governu rasik fo sai hodi fo kompetensia ba parte polisia halo atuasaun ba artemarsiais.

“Ha’u hanoin polisia nia atuasaun ba membrus artemarsiais ne’ebe mak kontinua treinu, polisia ba kaptura tantu artemarsiais ba hasai sintu iha Atambua-Kupang kaptura balun involve iha problema kaptura lori ba prosesu Tribunal, Tribunal liberta. E PNTL prevene ba situasaun sira ne’e kumpri rezolusaun ne’ebe Governu fo sai,” KomJer PNTL, Komisariu Julio da Costa Hornay ba Jornalista iha ninia knar fatin, Kuartel Jeral PNTL, Caicoli-Dili, Tersa (19/06/2016).

Nia hatutan, Tribunal liberta la’os sai deit kestaun ba polisia, maibe  ba instituisaun publiku hotu-hotu, tanba tuir rezolusaun ne’ebe fo sai husi Tribunal dehan hodi hapara la’os polisia kaptura ba hatama iha prizaun maibe, konformi desizaun Tribunal nian.

KomJer PNTL hatutan katak, polisia halo prevensaun ba situasaun sira maibe, to’o iha Tribunal liberta ne’e kompetensia Tribunal nian sala ka los desizaun Tribunal nian.

Se prosesu dehan desobedensia, maibe ida ne’e Tribunal mak bele esplika, tanba ne’e nia fo ezemplu artemearsiais balun tereinu sae sabuk hela iha Munisipiu Manatutu polisia kaptura Tribunal liberta.

“Ha’u lahatene ida ne’e, só Tribunal mak bele esplika par Governu bele hanoin fila fali karik lei ne’e mak ladun forte ou rezolusaun ne’e mak laiha valor, no ema ne’ebe mak kontra rezolusaun ne’e liga ba  ida iha ne’e ka lae desobedensia ba rezolusaun Governu,”tenik nia.

Nia hatete liga ba rezolusaun iha Tribunal ne’e iha desobedensia ka lae, ida ne’e Tribunal mak bele esplika, no polisia iha kompetensia mak kumpri rezolusaun Governu detekta, kaptura ba artemarsiais ne’ebe kontra rezolusaun.

Maske la fo detallu numeru hira mak polisia kaptura ona iha prevensaun ba artmerasiais ne’ebe rezolusaun bandu,   maibe nia dehan jeralmente durante ne’e polisia kaptura artmeraisias iha Bobonaro, Suai. Eus 

Jornal Nacional