Serbisu
europeu polísia nian (Europol) destaka ohin "ameasa beibeik" hosi
grupu Estadu Islámiku (EI) ba Portugal ho España no konsidera ona katak atake
sira ne'ebé hanesan iha fulan-Novembru iha Paris bele akontese iha "tempu
balun" iha futuru iha Uniaun Europeia.
Iha
relatóriu ne'ebé fó sai iha loron-kuarta ne'e hosi Europol kona-ba situasaun no
tendénsia hosi terorizmu iha Uniaun Europeia 2016, Europol refere ona, iha
kapítulu kona-ba terorizmu jihadista no EI, katak organizasaun "repete
beibeik ameasa ba Península Ibérika no membru sira hosi UE hosi koligasaun
anti-EI iha sira nia vídeo propaganda nian, halo referénsia espesífiku ba
Béljika, Fransa, Itália ho Reinu Unidu.
Iha
parágrafu antes, bele le katak atake sira iha loron 13 Novembru, iha Paris,
ne'ebé oho ema na'in 130, hatama tátika ida hodi "hamosu mate iha
grupu", bainhira kombina uzu ba arma ki'ik sira ho dispozitivu esplozivu
improvizadu sira ne'ebé tau iha kolete suisidu sira.
"Forma
oinsá atake sira ne'e hetan preparasaun no halo ba asaun - planeadu hosi
repatriadu sira, karik simu instrusaun sira hosi lideransa EI nian, inklui uza
hosi rekruta lokal sira hodi hala'o atentadu sira - hodi ita halo avaliasaun
katak atake sira hanesan ne'e bele akontese fali iha UE iha tempu oinmai",
refere hosi dokumentu ne'e.
SAPO
TL ho Lusa - Foto: Mark R. Cristino/EPA
Sem comentários:
Enviar um comentário