Indonézia
bandu ona polísia sira hodi joga Pokémon Go durante oras sira serbisu nian no
sei halo asaun hanesan mós ho militar sira, haktuir hosi autoridade lokal sira
iha loron-kuarta ne'e.
Iha
nasaun sudeste aziátiku ne'e, hanesan mós iha fatin sira seluk iha planeta,
kasa ba kriatura virtuál sira ne'ebé subar iha mundu real, liuhosi Pokémon Go,
dada amadór barak maka halo download ba aplikasaun tuir dalan ilegal, tanba
seidauk iha disponibilidade iha Indonézia.
Maibé
nia popularidade hosi jogu hamosu preokupasaun sira entre reprezentante aas
sira rejimi nian, ho reprezentante balun sujere atu Pokémon Go bele serve ba
atividade sira espionajen nian.
"Espionajen
bele halo liuhosi dalan oioin", deklara hosi ministru Defeza, Ryamizard
Ryacudu, ne'ebé haree iha aplikasaun rekreativu ne'e hanesan ameasa ida ba
seguransa.
Ezérsitu
sei publika iha tempu badak orden ida hodi bandu grupu pesoal militar hodi joga
Pokémon Go durante oras serbisu nian, hodi proteje fatin sira ne'ebé iha
seguransa maka'as, hatete hosi porta-vós ida hosi instituisaun ne'e, Tatang
Sulaiman, ba ajénsia notísia AFP.
Anúnsiu
ne'e halo hafoin sidadaun fransés ida viola lei no tama iha baze militar ida
tanba joga Pokemon Go ne'ebé hatama fatin ho seguransa maka'as ne'e, besik
Jakarta, iha jogu nia laran.
SAPO
TL ho Lusa
Sem comentários:
Enviar um comentário