Estremista izlámiku ne’ebé buka liu iha Indonézia hamate hosi polísia

Estremista izlámiku ne’ebé buka liu iha Indonézia, Santoso, mate iha konfrontu ho forsa seguransa, informa horisehik hosi polísia, hafoin tinan barak buka tuir apoiante grupu estremista Estadu Izlámiku (EI) ne’ebé akuzadu iha atake oioin.

"Ne’e loos duni Santoso", deklara ba ajénsia noticiosa France Presse (AFP) xefe polísia hosi  sentru Celebes, Rudy Sufahriadi, iha prosesu identifikasaun ikus ba mate-isin militante ne’e. 

Santoso hetan tiru  iha segunda-feira ne’e durante operasaun forsa seguransa nian iha  rejiaun foho Celebes.

"Persege no detekta  uluk, molok haruka ema (ba identifika nia isin-lolon) ne’ebé  luta ho nia iha 'funu  santa' (jihad) no konfirma nia maka ne’e ", nia hatete.

Santoso nia mate hanesan vitória importante ida ba  autoridade indonézia, ne’ebé  duni tuir estremista durante tinan lima, haruka ona efetivu forsa seguransa miilaun resin halo operasaun buka tuir ba  zona remota ho ai-laran sira.

Grupu Santoso nian, hamutuk seguidor na’in sanulu liu, planeia atake mortíferu sériu kontra forsa indonézia no koñesidu halo treinu ba militante sira mai hosi zona hotu illa nian.

Iha  2014, Santoso servisu hamutuk ho EI no hahú iha tinan ne’e, Estadus Unidus koloka estremista iha  lista terrorista.

SAPO TL ho Lusa