Komisaun
F Parlamentu Nasional (PN) ba asuntus Saúde, Edukasaun, Igualidade Jeneru,
Solidariedade Sosial, Desportu no Veteranus, halo inspesaun urjenti ba Hospital
Nacional Guido Valadares (HNGV) hodi justifika problema klasiku kona-ba menus
aimoruk iha HNGV.
Informasaun
ne’ebe Komisaun F simu kona-ba situasaun menus aimoruk iha HNGV variabel. Tanba
balun dehan, aimoruk sempre la iha tamba pesoal saúde sira ne’ebe servi iha
HNGV sempre lori sai aimoruk ba uma hodi halo atendimentu pesoal. Seluk fali
dehan, maioria profesional saúde iha HNGV mesak ema ne’ebe loke klinika no
apotik tanba ne’e dala ruma sira lori fali aimoruk HNGV nian ba tau iha sira
nia apotik hodi fa’an ba publiku no seluk fali dehan, aimoruk la iha tanba stok
ne’ebe haruka husi SAMES la sufisiente atu atende numeru pasienten ne’ebe barak
iha HNGV.
Atu
hetan provas ba informasaun sira ne’e, Komisaun F ne’ebe prezide husi Deputadu
Virgilio Hornai, halo fiskalizasaun derepenti ba HNGV ho SAMES tanba situasaun
ne’e prejudika tebes ba povu nia vida moris.
“Ami
fiskaliza derepenti ba HNGV, liu-liu ba SAMES, tanba situasaun ne’e urjente
tebes, ne’ebe tenke foti medidas politika, mais radikal liu maka komisaun F sei
halo rejime espesial ne’ebe atribui ba sira li-liu ba professional saúde sira
para atu revoga lei refere, para sira bele hala’o kna’ar atu nune’e ba sira
ne’ebe hala’o knar professional labele hala’o tan iha liur,” afirma Virgilio
Hornai hodi responde JNDiário iha PN, Kinta (29/09/2016).
Virgilio
dehan, se wainhira preokupasaun ne’e fundamentu no iha nia evidensia, maka
Komisaun F sei bolu Ministra Saúde (MS), Maria do Ceu S. Pina, atu deskute
didiak no buka solusaun urjenti.
Komisaun
F sei transmiti informasaun ba Primeiru Ministru (PM), Rui Maria de Araujo, atu
intervein lalais, tanba menus aimoruk iha HNGV la’os foin akontese, maibe sai
ona problema klasiku iha HNGV ne’ebe nunka hetan solusaun.
Nia
husu ba pesoal saúde no profesional saúde ne’ebe hala’o knar iha HNGV atu
serbisu ho honestidade, humildade no responsabilidade, nune’e la bele lori fali
sasan publiku nian hodi hetan lukru.
Iha
fatin hanesan, deputadu Bankada PD, Adriano do Nascimento lamenta ho atitude
pesoal saúde sira nian ne’e no husu atu Governu kria komisaun inkeretu
independenti atu halo investigasaun kle’an ba situasaun ne’ebe prezudika
pasiente sira nia vida.
“Se
kazu hanesan akontese tenke halo fiskalizasaun iha parte rua, hanesan parte
tekniku no fiskaliza ba desizaun Estado nian ne’ebe tanba ita nia saúde
gratuita, maibe sosa fali aimoruk ne’e se mak halo ida ne’e, tenke investiga
lalais, tanba ema balu maka halo ona manobra ne’e,” afirma Deputadu Adriano do
Nascimento.
Adriano
dehan, pasiente sosa aimoruk iha apotik sira mos problema, tanba Estado nia
politika ba iha Saúde adopta saúde gratuita, tanba ne’e maka labele haruka
pasiente iha HNGV ba sosa fali aimoruk wainhira sira moras.
Gasta
US$ 400.000 sosa aimoruk emergensia
Husi
sorin seluk, Diretora Saúde Munisipiu Dili (SMD), Agustinha Sigurada, informa
katak, iha Agustu nia laran, foin lalais ne’e, saúde municipiu
Dili gasta ona US$ 400.000 hodi sosa aimoruk emergensia hodi
responde ba fasilidade saúde sira iha Dili laran.
Iha
nia serbisu fatin, Bairo Formosa, Agunstinha Siguarda hatete, Agostu foin
lalais ne’e hasai osan U$ 400.000 hodi sosa aimoruk emergencia hodi
atende ba a fasilidade saúde sira iha Dili laran hodi hein prosesu
aprovizionamentu husi Ministeriu Saúde liu husi SAMES.
Agustinha
esplika tan Servisu Saúde Munisipiu Dili hola aimoruk ne’e bazeia ba
justifikasaun husi SAMES katak aimoruk iha Item balun iha SAMES
provizoriamente laiha.
Aimoruk
ne’ebe Servisu Saúde Munisipiu Dili sosa maka hanesan Parcetamol, no seluk tan
hodi hein distribuisaun husi Diresaun nasional farmasia MS nian.
Nia
mos dehan tan iha dia 28 Setembru Horseik (hodi bainrua ) iha fasilidade saúde
Munisipiu Dili akontese aimoruk hanesan parcetamol laiha atu fo atendimentu ba
komunidade.
Relasiona
ho aimoruk iha fasilidade menus ba tinan ida ne’e servisu saúde munisipiu Dili
husu ba Governu liu-liu ba MS tenki fo atensaun nune’e ba futuru iha fasilidade
saúde sira labele infrenta problema konaba aimoruk para hodi fo asistensia diak
ho kualidade ba komunidade no povu tomak. mia/car
Jornal
Nacional
Sem comentários:
Enviar um comentário