Organizasaun
Naun Govermentais (ONG) Luta hamutuk (LH) duvida ho dadus kiak
ne’ebe maka publika husi Governu tanba buat hotu tenke iha evidensia ne’ebe
maka real.
“Tuir
ami nia observasaun katak wainhira Governu publika dadus ita tenke tun
diretamente hodi haree kondisaun ne’ebe riil hodi nune’e ita bele lansa dadus
kiak hodi refleta kondisaun ita nian ne’ebe riil,” hateten koordenador divizaun
Budget transparency, Laurentino Alves ba jornalista iha nia servisu
fatin, Kinta (29/9/2016).
Nia
dehan publikasaun dadus kiak ne’e tenke honestu hodi iha serteza ba nivel ema
kiak husi nivel diak, mediu ka ho nivel ne’ebe kiik. Tanba ne’e, LH
preokupa tebes ho publikasaun dadus refere.
“Maske
ita hare ba dezemvolvementu infrastruktura sei fraku hanesan Estrada, klinika,
Edukasaun setor hirak ne’e alende husi fator ekonomi, ita bele dehan TL
laos maioria funsionario publiku maibe maioria moris ho agrikultura no balu
halo negosiu, entaun indikador sira ne’e maka hodi sukat ita nia nivel regional
ho global,” Laurentino Alves tenik. Ety
Jornal
Nacional
Sem comentários:
Enviar um comentário