sexta-feira, 30 de setembro de 2016

Lansa Programa $ 1 Ba Labarik Manatuto


Dili - Iha oportunidade nee mos Primeira Dama Isabel Ferreira halao lansamentu ba programa um dolar ($1) labarik ba futuru, iha Munisipiu Manatuto.

Primeira Dama Isabel Ferrreia iha diskursu hateten, programa um dolar labarik ba futuru hanesan politika banku sentral, neebe halo desizaun diak. Tamba nee husu ba banku Timor laran tomak atu loke oan sira neebe hahu husi jero anus to dizasete anus, ba sira rai osan iha programa nee hetan lukru ka untung 1.5%.

Ita hanoin rai osan um dolar labale, mais um dolar to dizasete anus osan ida, I osan barak neebe ita larai, ita gasta aban laiha ona, mais ita rai oituan-oituan nee diak ba ita, entaun kuandu hare programa husi banku sentral ho banku sira neebe iha Timor adopta politika ida nee, ami hakarak halo programa ida nee, liu-liu ba familia kbiit laek sira,” dehan Primeira Dama Isabel, liu husi diskursu, bainhira halo lansamentu programa um dolar labarik ba futuru, iha Munisipiu Manatuto, Kinta (29/09/2016).

Primeira Dama Isabel afirma tan katak, nasaun Timor Leste foin ukun aan, no tama iha nasaun ida neebe kiak iha mundu. Maibe lolos nee Timor Leste laos kiak, riku tanba maromak fo grasa riku soin barak iha rai laran, laiha ema matenek para atu dezenvolve riku soin nee ho diak, tanba nee maka Timor Leste sei kiak.

Nia dehan programa nee hetan apoia husi doadores sira hanesan Dona Agelina ho nia kaben, no Avo Jape neebe hanesan nain ba Timor Plaza.

Iha fatin hanesan Adjuntu Administrador Munisipiu Manatuto Agrepino Sarmento agradese ba Primeira Dama, tanba bele akomoda programa nee iha sira nia munisipiu.

Entretantu Diretor BNCTL Manatuto Holmes E.M. Florindo katak, BNCTL prontu suporta aktividade nee, depois loke tiha konta husu ba inan aman sira atu investe labarik sira nia futuru. Informasaun kompletu iha STL Jornal no STL Web, edisaun Sesta (30/9/2016). Carme Ximenes

Suara Timor Lorosae

Sem comentários: