Lideransa Parpol Tenke Fo Edukasaun Sivika Ba Militante

DILI-Reprezentante povu iha uma fukun Parlamentu Nasional (PN), husu ba lideransa PARPOL (Partidu Politik) hahu husi lideransa nasional too iha baze, fo edukasaun sivika ba nia militante sira.

Tuir Deputadu Bankada Fretilin, Paulo Moniz Maia katak, partidu politik iha Timor Leste barak mak eziste, tanba lei mak fo dalan. No partidu politik boot ka kiik iha iha nia militante.

Tanba wainhira partidu ida hamrik iha ninia lider, lider nee hahu husi prezidente ho ninia estrutura husi nasional too iha baze. Nee sira nia responsabilidade tenke fo edukasaun sivika fo moral fo politika ida ke diak ba sira nia militante atu sira bele respeita ema seluk,” dehan Paulo ba STL iha PN-Dili, Kuarta (28/09/2016).

Paulo haktuir, importante mak nee bele loke partidu iha kualidade, partidu nee disiplina, partidu nee iha politika diak nee mak ita hotu-hotu hakarak no joven labele baku malu hirus malu.

Iha sorin seluk, Deputadu Bankada CNRT Agostinho Lay hatete, lei fo dalan ba partidu politik hotu-hotu bele halao atividade konsolidasaun, restruturasaun no reajustamentu maibe laos atu halo fali kampania. Informasaun kompletu iha STL Jornal no STL Web, edisaun Kinta (29/9/2016). Raimundo S. Fraga

Suara Timor Lorosae