quinta-feira, 29 de setembro de 2016

MUTL: “Mudansa fundamental ba lei pensaun vitaliasia agora” - KONFERÉNSIA IMPRENSA


KONFERÉNSIA IMPRENSA

Kona-ba prosesu revizaun ba lei pensaun Vitalisia

“Mudansa fundamental ba lei pensaun vitaliasia agora”

Hasai regalias tomak

Ba dala uluk, MUTL hakarak kongratula vontade deputadu sira nia tanba hahú diskute ona, lei pensaun vitalisia ne’ebé loke polimika boot iha Timor-Leste, dezde lei ne’e existe ate agora. Infelizmente, ami la haree vontade ida ne’e nudár figura estadista maibé nudár resposta hipokrasia Polítika ba ami no povu ne’ebé durante ne’e ezije mudansa ba lei refere.

Nu’udar ita hotu hatene katak Movimentu Universitáriu Timor Leste (MUTL) durante ne’e sempre insiste ba órgaun estadu, liu-liu  Parlamentu Nasionál atu halo revizaun ne’ebé fundamental ba Lei númeru 1/2007, Pensaun Mensál Vitalísia Deputadu sira nia no nia Regalias sira seluk, nune’e mós Lei númeru 7/2007 Estatutu titulares órgaun Soberania nian.

MUTL konsidera lei ida ne’e sei kria sosiedade ne’ebé mak dezikilibru, sei halo hotu  osan povu nian husi mina no gas, sei prejudika tebes ba sustentabilidade ekonomia povu Timor Leste nian iha futuru, sei halo sidadaun sira ne’ebé idade produtivu sai baruk ten, sei habokur no hariku de’it ba grupu ki'ik oan ida ne’ebé mak iha kbiit no kapasidade hodi ukun rai ida ne’e, sei hamosu klase burgesia iha Timor Leste no iha futuru mai sei hamosu konflitu social entre ema riku no ema kiak hodi estraga estadu ne’ebé mak harii ho raan no ruin ida ne’e.

Esforsu ne’ebé ami foti ba públiku durante ne’e, agora la’ós de’it ami nia ajenda maibé sai ajenda komún povu nia inklui Sua Exelénsia Sr. Tau Matan Ruak, Prezidente da Repúblika atuál, Eis Órgaun Titular no Eis Membru Parlamentu Nasionál balun konkorda ona atu halo mudansa ne’ebé signifikante hodi responde ba ejijénsia públiku. Maibé realidade husi prosesu halo revizaun ba lei refere ne’ebé mak tama ona faze aprovasaun generalidade iha Parlamentu Nasionál hatudu katak la halo mudansa signifikante hodi responde públiku nia ejijénsia ne’e.

No Ita hotu hatene katak bazeia ba projetu lei ne’ebé mak hetan ona aprovasaun generalidade katak nafatin propoin pensaun ba Eis Prezidente Repúblika 100 %, ba eis Primeiru Ministru, eis Prezidente Parlamentu Nasionál no Eis Prezidente Tribunal rekursu  tun de’it ba 90 %, Eis Deputadu sira no  Eis Membru Governu sira tun de’it ba 60 %. Inklui iha nafatin direitu regalia sira seluk ne’ebé mak halo grupu ki'ik oan ida sai previlejiadu iha Timor Leste.

Haree ba mudansa iha projetu lei ida ne’e ami husi MUTL konsidera katak ne’e la justu nafatin ba Povu Maubere ida ne’e tanba la konsidera ami nia petisaun ne’ebé mak durante ne’e hato’o ona ba Parlamentu Nasionál. Ho ida ne’e mak ami hakarak ezije hanesan tuir mai ne’e:

Ami insiste nafatin ba komisaun espesializada ne’ebé mak halo paresér ba projetu lei ida ne’e presiza konsidera públiku nia ejijénsia durante ne’e, hodi bele hetan mudansa ne’ebé signifikante ho fundamental.

Ami fó hanoin nafatin ba deputadu sira ne’ebé mak reprezenta povu iha Parlamentu Nasionál katak iha posibilidade hodi bele halakon total ba lei ida ne’e. Tanba sei lori problema ka malisan aat ida ba estadu Timor Leste iha futuru.

MUTL mós husu ba Partidu Polítiku sira atu ho seriedade diskute asuntu ne’e ho nia bankada sira iha Parlamentu Nasionál nune’e revizaun ba lei Pensaun vitalisia iha signifikante ba povu nia ejijénsia.

Ami mós husu militante tomak ba Partidu sira ne’ebé oras ne’e nia asentu iha PN atu ezije ba lider partidu no bankada Parlamentár sira hodi hasai lei korruptu ne’e husi Timor-Leste.

MUTL hakarak informa ba povu tomak katak agora mak tempu loloos atu hato’o ba deputadu sira para halo mudansa ba lei pensaun vitalisia tanba tama ona ba komisaun espesializada nia mandatu atu halo diskusaun kle’an. Se ita la ko’alia ba deputadu sira agora, ita sei lakon oportunidade ba mudansa ne’ebé ita hakarak dezde uluk.

Mak ne’e de’it ami nia ejijénsia ba ita boot sira nia konsiderasaun, la haluha hato’o obrigadu wai’n.

Dili 29 Setembru 2016

Porta Voz
(Faustino Soares)

MOVIMENTU UNIVERSITARIU TIMOR LESTE (MUTL)

Nú. kontaktu 77322480, email: soaresfausth@gmail.com

Foto: Konferensia Imprensa MUTL

1 comentário:

Unknown disse...

Saya sangat bersyukur telah menemukan blok KI KANJENG dan ternyata apa yang tertulis di dalam blok KYAI,semua itu meman benar-benar terbukti dan salah satunya saya sudah telah membuktikannya sendiri,saya sangat berterimah kasih banyak kepada KI KANJENG atas bantuan pesugihan Dana Gaibnya,atas bantuan ini kini aku sudah bangkit lagi dan usaha yang dulunya bangkrut kini bisa berjalan kembali,berkat bantuan KI KANJENG kini kehidupan kami sudah jauh lebih baik dari pada sebelumnya,saya tidak pernah menyangka kalau saya bisa sesukses ini dan kami sekeluarga tidak akan pernah melupakan budibaik KYAI,pesugihan ini adalah pesugihan resmih dan pesugihan ini banyak pilihan misalnya
================
•MUSTIKA PESUGIHAN PUTIH

•DANA GHAIB

•TUYUL

•MINYAK PENARIK

•UANG BALIK
===============
Bagi anda yang ingin dibantu sama KI KANJENG silahkan hubungi KYAI di No. (0853•9899•6887)
dan pesugihan ini tanpa resiko apapun dan untuk lebih jelasnya
buka saja blok (>KLIK DISINI<) PESUGIHAN KI KANJENG