GOVERNU NOTIFIKA SUPERMERKADU KMANEK

DILI - Ministériu Komérsiu Indústria no Ambiente (MKIA) liuhosi Diresaun Inspesaun Alimentar Ekonomia (IAE), Kuarta, (28/09) halo inspesaun ba Loja Kmanek Lesidere. Iha inspesaun ne’e IAE identifika loja ne’e halorepackingba aihan sira hanesan naan manu, sosis, ikan, naan kerau no seluktan.

Sub Inspektora Inspesaun Alimentar Ekonomia (IAE), Manuela Da Silva Tilman hatete, Loja ne’e kontra ona regras, tanba tuir regulamentu negosiante sira labele halorepackingba aihan sira.

“Agora dadaun ami fó ona notifikasaun ba kompañia ida ne’e ka loja Kmanek tanba nia la kumpri regras governu nian labele uza  repackingmaibé sira kontinua uza  repacking,”dehan Manuela ba jornalista sira hafóin halo inspesaun urjente ba loja kmanek iha Licidere, Kuarta, (28/09).

Manuela hatete, hosi rezultadu inspesaun ne’e provizoriamente IAE bandu Loja Kmanek labele  uza  repacking, bainhira kompañia ba aprezenta an ona iha IAE maka fóin bele halorepacking. Maibé bainhira kompania ne’e kontinua la kumpri maka ekipa konjunta IAE sei fo sansaun ba loja kmanek.

“Ami nia sansaun iha oin rua, sansaun administrativu, nomos sansaun asesória,” hatete Manuela.

Manuela esplika, sansaun administrativu maka inspektur jeral sei bolu kompania ou lojas na’in mai iha gabinete jurídiku hodi husu no fó razaun tanba saida maka kompania ou lojas kontinua kontra regras governu nian.

Sansaun asesoria aplika bainhira, bolu kampania ne’e dala rua to’o dala tolu maka la kumpri entaun inspektur jeral sei halo fali paraser ida ba Ministru no Ministru maka bele fó desizaun ikus. Desizaun ikus maka bele taka ou hapara kedas kompania ou lojas ne’ebé la kumpri regras. 

Inspektora ne’e infórma, Durante halo inspesaun kazurepackingla’os de’it iha loja Kmanek maka iha loja balun mós akontese.

Hatán preokupasaun públiku kona-ba diresaun IAE fraku halo kontrolu, Manuela hatete, prosesu inspesaun la’os foin halo maibé ida ne’e servisu rutina ne’ebé IAE sempre hala’o. Problema maka loja barak lakohi atu kumpri.

“Ne’e servisu rutina ida  ba IAE hamutuk ho Ministériu relevante hanesan Minitériu Saúde no Ministériu Agrikultura no Peskas, liu hosi diresaun veternária no kuarentena,”esplika Manuela.

Iha fatin hanesan, pesoal hosi diresaun Unidade Vijilansia Sanitária, Francisco Oliveira hatete, sira nia parte foti ona sampel hosi aihan sira ne’ebé lojas halorepackinghodi lori ba laboratóriu atu bele haree serake produtu sira ne’e kontaminadu ou lae.

“Ami mai foti sampel hodi lori ba teste iha laboratóriu,ne’e laboratóriu maka bele deside aihan sir ne’e kontaminadu ou lae,”hatete francisco.

Francisco hatete, hafoin halo teste iha laboratóriu, rezultadu hosi teste ne’e sira sei hato’o kedas ba IAE hodi foti medidas. Prosesu teste ba aihan ne’ebé maka liu ona prazu ninia rezultadu ne’e bele han tempu semana rua. 

Entertantu observasaun jornalista, Inspesaun ne’e halo direta hosi  ekipa IAE kompostu hosi parte MS no diresaun nasioanal Qurentina. Iha inspesaun ne’e ekipa konjunta konsege fóti duni produtu hanesan ikan, naan manu, naan fahi atu lori ba teste iha laboratóriu.(res)

Timor Post