SUB-12 FILA HUSI KOREA DO SUL SEJD-CTFJTL KONVIDA POVU KONVOI SIMU

Sekretaria Estadu ba Juventude no Desportu (SEJD) hamutuk Centro Treinamento Futebol Juvenil Timor Leste (CTFJTL) konvida povu Timor Leste (TL) atu hola parte konvoiu hodi simu ekipa futebolista Timor-an sub-12 mak sei fila husi Korea do Sul.

Tuir informasaun fixa ne’ebé Jornalista JNDiário hetan katak, jogadores sub-12 husi CTFJTL ne’ebé mak ba partisipa jogu iha korea durante fulan ida resin, ne’e fila hikas mai TL iha loron aban (ohin Sesta 02/09) oras 12:00 otl, iha aeropotu Internasional Nocolao Lobato Comoro Dili ho aviaun Nam Air.

“Hau simu tiha ona planu husi delegasaun jogador timoroan ne’ebé mak ita temi futuru selesaun ninian, ne’ebé mak ba joga iha Korea do Sul ne’e, i sira hatudu duni sira prestasaun ho kualidade diak tebes, hodi bele konta Timor Leste iha sudeste Asiatiku no reziaun nomos iha mundu, tanba ne’e tuir politika Governu nian komesa investe ona jogadores husi idade ki’ik,” hateten Sekretariu Estadu ba Juventude no Desportu, Leovigildo da Costa Hornai husi konferensia ne’ebé mak hala’o iha Salaun SEJD eis-sional Lesidere Dili, Kinta (01/09/2016).

Iha konferensia refere, Leovigildo da Costa Hornai konvida povu Timor Leste no liliu komunidade mak hela iha kapital Dili, liliu ba foinsa’e sira ne’ebé hadomi desportu futebol.

“Hau kovida ita hotu ba simu oan jogadores, i sira mak sai hanesan heroi lolos tanba hamorin naran Timor Leste, i sira hanesan enviadu ka delegadu núdar embaixador hodi mensajem ba mundu tomak, liu husi prestasaun talentu desportu futebol ne’ebé mak hatudu ona,” enkoraja SE, Leovigildo da Costa Hornai.

 “Hau bele dehan i konsidera loron espesial oituan, hodi simu ita nia oan jogador sira ho idade Sub-12 ho konvoiu ka pawai, hanesan mos foin lalais ita simu ita jogador sira selesaun Univercity Game’s ninian,” dehan SE, Leovigildo da Costa Hornai.

Ho serjeta no iha koitmen nafatin, katak ho investimentu no politika ida diak ho koperasaun insitituisaun hamutuk parseria sira hotu, espera bele lori desportu ne’e ba oin ho sussesu tuir metas no planu mak defini tiha ona iha politika dezenvolvimentu 2020 – 2030 nian.

Iha sorin seluk, presidente CTFJTL, Alexandre Victor informa ekipa sub 12 nebe foin lalais  ne’e ba joga iha Korea do Sul i iha ne’ebá ne’e, iha kampionatu tolu (3) mak sira infrenta, ho rezultadu ne’ebé diak tebtebes.

“Hau konvida jovens, inan-aman no entidades hotu-hotu mak hela iha kapital Dili, i liliu ba sira ne’ebé mak gosta teb-tebes bola, aban (ohin-red) bele hakbesik-án ba iha Aeroportu Internasional Nicolao Lobato Comoro Dili hodi simu oan sira mak sei to’o mai iha oras 12:00otl,” konvida Alexandre Victor.

Nia informa, aban (ohin-red) jogadores sira sei to’o mai liu husi VIP (Verry Important Person), i sei iha mos konferensia de imprensa ne’ebé mak sei diriji husi sua selensia SEJD, Leovigildo da Costa Hornai.

“Ami prepara ona planu rute pawai mak, sai husi Aeroportu mai rotunda statua Nocolao Lobato i sei para 10 menutus, tanba jogadores sira hakarak hodi loke sampanha iha ne’ebá, hafoin de ida ne’e kontinua mai Fatuhada, Colmera, Bidau Lecidere, ba Kuluhun ba Taibessi, tun mai Bairo Formosa sede Federasaun Futebol Timor Leste (FFTL) i sei para iha ne’ebé hodi rona liafuan murak ruma husi ezekutuvu federasaun hafoin tesik fali ba Bidau, tun ba Lecidere tasi ibun tesik mai fali hakotu pawai iha SEJD,” informa Nia.

Entretantu partisipasaun TL iha Tasa MBC TL sai premeiru Lugar Tasa Festival TL sai premiru Lugar enkuantu iha tasa KYFF  TL team A preimeiru no  Team B sai terseiru Lugar.no total tasa (piala) ne’ebé TL sub 12 hetan durante hala’o jogu iha Korea total hamutuk hat.

Antes ne’e iha loron (22/07/),partisipasaun TL iha tasa MBC TL kontra ekipa Fc. Jingju KBW TL manan ho rezultadu 1-0, iha loron (23/07/ )TL hasoru  ekipa Fc. Paju TL kontinua manan ekipa refere ho skor 2-0 , no iha data (24/07)  TL manan  Fc. Yangju ho rezultadu  4:1 final TL vs Korea U-12 TL manan ho rezultadu 3 : 1 no TL sai kampiaun iha tasa MBC

Iha loron   (30/07/) TL team B vs Best FC Timor Leste manan ho Skor, 3 : 0 banhira hala’o  iha stadium Inje.

Partisipa iha I-LEAGUE “LiGa Labarik”TL team B, no TL kontra ekipa SD Footbal Academi TL konsege manan ho rezultradu 18 : 0, TL vs Miracle FC, TL manan ho Skor, 7:0  no TL sai premeiru klasifikasaun ho 12.

Enkuantu iha loron  24-08-2016 TL partisipa iha  jogo KYFF  Tls A vs KYFF A TL manan ho Skor, 9:0: Tls A vs The Best United Skor, 8:0 Tls A vs JSJ FC Skor 5:0 Tls B vs BLUEDRAGON United Skor, 3:1, enkuantu iha (25/08) Tl A vs Sion Fc TL manan ho skor, 8:0 Tls A vs Japan A TL manan  2:1, Tls B vs Chuncheon Junior Soccer TL manan ho rezultadu  5:0 Tls B vs KBW FC TL manan ho eskor, 3:0,TL B vs KYFF B (empata 1-1 no hakat ba penalidade Tl konsege manan ho rezultadu final 3-2. Ito

Jornal Nacional