Estadu Labele Uza Forsa Hanehan Nia Sidadaun

DILI - Relasaiona ho komunidade uma kain rua nulu resin haat husi Aldeia 01, suku Caicoli   neebe maka afeta ba iha alargamentu, hodi haluan edifisiu kuartel Jeral Polisia Nasional Timor-Leste( PNTL), neebe iha tempu badak komunidade sei hamamuk, parte autoride lokal husu estadu labele uza forsa hodi obriga nian sidadaun sira.

Tuir Xefe Suku Caicoli Hipolito Marques Sarmento katak ba komunidade neebe maka afeta ba iha alargamentu konstrisaun edifisiu PNTL, oras nee balun seidauk hatama sira nian nota bankaria, ho rajaun komunidade lasimu osan kompesasaun neebe maka governu fo ba sira.

Ita nia komunidade sira nee kumpri desizaun estadu neebe atu halo luan edifisiu Kuartel Jeral PNTL nudar sidadaun iha nasaun nee sempre ko apoiu no kontribuisaun ba iha dezemvolvimentu neebe maka lao iha ita nian rai, maibe maneira tratamentu estadu nee maka ladun diak, tamba hare husi osan indimisaun neeebe maka governu fo la tuir ejijensia komunidade, kuandu komunidade ida maka hetan idimizasaun 10 mil dolares no 12 dolares sira sei labele hatutan moris, liu-liu hari uma ida no nesesidade seluk,” dehan Hipolito ba STL iha nian knar fatin, sede suku Caicoli, Sesta (14/10/2016).

Nia dehan governu presiza halo estudu klean antes hasai desizaun ba komunidade neebe maka oras nee afeta ba kontrusaun edifisiu PNTL, labele uza lei hodi hamate povu kiik nia direitu.

Nia hatutan oras nee iha komunidade uma kain rua maka foin rezistu sira nia nota bankaria, maibe restu nee seidauk tamba sira konsidera indimizasaun neebe maka estadu fo nee la tuir sira nia ejisensia.

Nunee mos Direktur Exekutivu Asosiasaun HAK Manuel Monteiro hatete kualker komunidade neebe maka afetada, estadu tenke dignifika sira tamba husi povu maka hari estdu kuandu, laiha povu difisil koalia estadu. Informasaun kompletu iha STL Jornal no STL Web, edisaun Sabado (15/10/2016). Natalino T.da Costa

Suara Timor Lorosae