DILI
– Atividade peskador sira durante inisiu tinan 2017 hasoru difikuldade
bo’ot tebes, tanba akontese laloran tasi maka’as no anin bo’ot hodi implika
sira nia rendimentu lorloron.
Negosiante
ikan Avelino dos Santos ne’ebe fa’an ikan iha area Bebonuk katak, desde inisiu
Janeiru 2017 to’o ohin loron ladun hetan ikan barak, tanba problema anin bo’ot
no tasi mos sa’e maka’as hodi difikulta peskador sira husi Atauro lori ikan mai
Dili.
“Durante
ne’e ha’u sosa tutan husi ita nia maluk sira husi Atauro, maibe depois tinan
foun to’o agora ikan ladun barak, tanba ita nia peskador sira husi Atauro mos
ladun hetan ikan barak,” hatete Avelino bainhira dadalia ho Jornalista sira iha
tasi ibun Bebonuk – Dili, Sesta (13/01).
Nia
hatutan, ho kestaun ne’e lori difikuldade ba nia atividade lorloron nian
nu’udar negosiante ikan.
“Tanba
ikan menus, entaun dalaruma ha’u ba sosa fali ikan iha super merkadu sira mak
lori mai fa’an fali iha ne’e,” esplika Avelino.
Iha
fatin hanesan peskador Atauro, Agustinho Sousa Soares mos hato’o nia
difikuldade hanesan katak klima durante fulan Janeiru nia laran ladun di’ak ba
peskador sira hodi hala’o sira nia atividade peskas iha tasi laran.
“Ha’u
toba iha Dili loron rua, tanba tasi sa’e maka’as. Depois tasi tun no anin ladun
maka’as mak foin ba fali Atauro,” hatete Agostinho. (ino)
Salvio
Online
Lee
mós Salvio Online
Sem comentários:
Enviar um comentário