domingo, 15 de janeiro de 2017

Projetu Tasi Mane Tenke Lao Maske Gasta Osan Boot

PARTILHAR
DILI – Prozetu Tasi mane tenke lao maske prozetu nee rasik sei gasta osan boot, maibe labele hare uluk ba retornu, tanba prozetu ida atu fo retornu diak iha futuru tenke gasta osan uluk.

Kestaun nee fo sai husi Reprezentante povu iha uma fukun Parlamentu Nasional (PN) Deputadu Manuel Salsinha ba STL, Sesta (13/01/2017) iha nia knar fatin PN.

Ita nia sosidade sivil sira kestiona makas konaba prozetu tasi mane, tanba tuir sira nia fiskalizasaun iha baze hare katak, prozetu tasi mane nee atu gasta osan deit no sei la fo retornu diak iha futuru, tanba nee atu dehan deit katak obra ida seidauk lao maka ita labele hare uluk retornu, tanba retornu nee sei mai iha futuru sekuandu prozetu nee finalize ona,” informa Deputadu Manuel.

Nia mos informa liu tan katak, Sosidade sivil sira bele halo kritika ba governu bainhira sira tun ona ba baze hodi hare situasaun real neebe lao iha Suai, tanba kritika sira nee hanesan save ida atu loke governu nia hanoin bain hira obra ida atu implementa.

Iha fatin hanesan Deputada Brigida Correia mos hatutan, ema barak maka kestiona konaba retornu husi prozetu tasi mane, no ukun bainhira ZESM atu halo ema mos kestiona katak prozetu nee diak liu labele lao, tanba gasta osan deit. Informasaun kompletu iha STL Jornal no STL Web, edisaun Sabado (14/1/2017). Madalena Horta

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: