Governu Promete Taka Loja One Dolar

DILI - Iha Dezembru 2016, Governu liu husi Ministeriu Komersiu industria e Ambiente (MCIA), deklara ona katak tempu badak governu sei taka loja One Dolar Shop iha Dili laran, maibe realidade iha Tasi Tolu ho Bairopite kontinua loke loja One Dolar.

Tuir Membru CCI-TL, Alberto Alves katak iha fulan kotuk governu fo sai ona iha media katak, sei taka hotu loja one dolar iha rai laran, maibe realidade loja one dolar kontinua loke iha fatin-fatin, liu-liu parte Tasi Tolu, Hudi laran no fatin seluk tan.

Ita tenke kaer metin liafuan governu nian neebe, promete ona atu taka One dolar antes atu tama ba tinan 2017, maibe realidade neebe akontese iha rai laran katak, One dolar kontinua domina iha Dili laran, no sasan neebe faan iha one dolar nee kualidade laiha tanba nee tenke taka,” dehan Alberto ba Jornalistra Sesta (13/01/2017) iha Akait.

Nia mos informa liu tan katak, lolos nee governu tenke implementa promesa katak taka loja one dolar, no atu taka ona one dolar maka tenke hapara mos lisensa ba sira, atu nunee sira labele loke tan loja one dolar.

Iha parte seluk reprezentante povu iha uma fukun Parlamentu Nasional Deputadu Manuel Salsinha mos hatutan, governu tun ona ba iha baje hodi hare kualidade sasan neebe faan iha loja one dolar, barak maka kualidade laiha. Informasaun kompletu iha STL Jornal no STL Web, edisaun Sabado (14/1/2017). Madalena Horta

Suara Timor Lorosae