Governu Gasta Osan Boot Ba Infraestrutura, LH: Kualidade La Too Longu Prazu

DILI - Tinan-tinan alokasaun orsamentu ba setor infraestrutura ho montante boot, maibe realidade seidauk tama kategoria atu garante kualidade too longu Prazu, tanba governu rasik la kria ekipa ida atu halo monitorizasaun ba kualidade obra iha baze.

Tuir Deputy Diretur Fundu Petroliu Laurentino Alves katak, tinan-tinan osan barak maka koloka ba setor instraestrutura, maibe realidade povu kontinua halerik iha baze. Problema nee akontese, tanba Governu la kria ekipa neebe forte hodi halo akompanamentu ba servisu kompania iha baze, no hasae mos kapasidade kompania atu nunee bele garante kualidade obara iha rai laran.

Ami preokupa tanba tinan tinan governu tau importansia boot ba setor Infraestrutura, maibe akompanamentu iha baze maka seidauk seriu, tanba nee Estrada iha rai laran kontinua taka kuak no loke kuak hodi gasta osan boot,” dehan Laurentino ba STL, Sesta (27/01/2017) iha nia knar fatin Farol Dili.

Nia mos informa liu tan katak, iha 2010 governu tau ona importansia atu hadia setor infraestrutura iha rai laran, maibe too agora infraestrutura rai laran kontinua marka pasu la hatene failansu nee iha neebe, no povu iha area remotas susar atu lori produtu ba merkadu.

Iha fatin fatin hanesan Komunidade Farol Nelson da Silva hatutan, governu gasta ona osan boot ba setor infraestrutura, maibe realidade Estrada iha rai laran kontinua taka kuak, loke kuak hanesan parte Farol nian neebe konstrusaun lao hela. Informasaun kompletu iha STL Jornal no STL Web, edisaun Sabado (28/1/2017). Madalena Horta

Suara Timor Lorosae