sábado, 28 de janeiro de 2017

Infrastrutura Sai Nafatin Problema

PARTILHAR
DILI – Infraestrutura eskola sai nafatin problema boot iha area edukasaun, tanba too oras nee iha eskola barak sei akomula estudante too 50 iha kada sala, hodi tuir prosesu aprendizajen.

Ba kestaun nee, vise Ministra Edukasaun (ME), Dulce Jesus Soares hatete, infrastrutura sai problema ida, tanba iha curriculum nasional nee ezije, liu-liu ensinu baziku tenke uza metodu siqnifika katak, kada sala prosesu aprendizajen, medida naton ba estudantes tolu nolu resin lima ou ka too hat nolu.

Ita bele uza estrandar internasional nee kada sala estudante too rua nolu resin lima, maibe lamentasaun neebe mak ita iha, ita seidauk bele aplika ida nee, agora ita haree plemenus too tolu nolu ou hat nolu estudante kada sala, mesmu ita uza hanesan nee mos, ita sei infrenta nafatin problema, tanba nee, ita fo prioridade Ministeriu Edukasaun, sei haree ba iha problema infrastrutura,” dehan Dulce ba STL iha Timor Plaza Dili, Kinta (26/01/2017).

Iha sorin seluk, Direitor edukasaun Munisipiu Dili, Duarte Braganca hatete, fajiadamente politika Ministeriu nian sei haree mos konaba  problema infrastrutura eskola, aumenta sala prosesu aprendizajen ba estudante sira.

Iha fatin seluk, membru komisaun F PN, deputada Ilda Maria hatete, komisaun F durante nee sempre ba halo fiskalizasaun iha Munisipiu, iha eskola balun nia infrastrutura eskola nee diak, no balun presiza atu hadia. Informasaun kompletu iha STL Jornal no STL Web, edisaun Sabado (28/1/2017). Jacinta Sequeira/Guilhermina Franco

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: