Dili,
(ANTIL) – Lian materna halo labarik estudante sira hosi pre-eskolár to’o primeiro
ano no Segundo ano atu komprende lalais liu matéria siénsia no matemátika.
Kestaun
ne’ informa husi Sekretaria Ezekutivu Komisaun Nasionál Timor-Leste ba UNESCO
(KN-TL ba UNESCO), Maria Angelina Lopes Sarmanto ba ANTIL iha Parlamentu
Nasionál hafoin hasoru malu ho Komisaun F ne’ebé trata asuntu edukasaun,
Kuarta, (18/01).
“Ami
mai hasoru malu ho komisaun F atu aprejenta kona-ba implementasaun lian materna
ne’ebé iha munisípiu Lautem, Manatutu no Oe-Cusse ne’ebé labarik sira konsege
hatene lee, hakerek ho komprende di’ak liu fali sira ne’ebé uza lian Tetun no
Portugues diretamente iha prosesu aprendizagem” Sekretaria Ezekutiva explika.
Tuir
nia, uza lian materna atu promove igualdade tratamentu no igualdade
asesibilidade ba edukasaun ne’ebé ho kualidade ba sidadaun Timoroan hotu ne’ebé
iha nivel nasionál no rurál atu bele hetan asesu edukasaun ne’ebé di’ak.
“Hafoin
implementasaun tinan tolu, ami kontrata peritu internasionál ida mai halo
estudu hodi haree fila fali rezultadu implementasaun lian materna iha eskola
sira iha area rurál, neb’e hatudu katak labarik sira iha koñesimentu ba siénsia
no matemátika di’ak liu fali, kompara ho estudante sira neb’e uza direitamente
Tetun no Portugues.
Implementasaun
programa lian materna hahú hosi tinan 2013 no remata iha 2015, maibé VI Governu
Konstitusionál extende tan to’o 2016 neb’e sei remata iha 2017.
Programa
ne’e implementa ona iha eskola 10 iha Munisípiu tolu mak hanesan: Lautem,
Manatutu no Oe-Cusse.(Jornalista : Zezito Silva/Editor : Alberto Alves)
Foto:
Sekretaria Ezekutivu Komisaun Nasionál Timor-Leste ba UNESCO (KN-TL ba UNESCO),
Maria Angelina Lopes Sarmaneto
Sem comentários:
Enviar um comentário