(salvioonline.com) -
Komite Disiplinar husi Konfederasaun Futebol Asia (AFC), liu husi reuniaun nebe
halao iha Kinta-feira, 19 Janeiru 2017, iha Kuala Lumpur, Malasya, hamonu
sansaun ba Federasaun Futebol Timor-Leste (FFTL) no ninia seretariu-jeral
Amandio de Araujo Sarmento, tamba involve iha falsifikasaun dokumentu ba
jogador selesaun nasional.
Informasaun
nee publika iha website ofisial
AFC nian.
Iha
loron 9 Junhu 2016, Orgaun maximu husi futebol Asia nee hahu halo investigasaun
kona ba utilizasaun jogador balu iha selesaun nasional Timor-Leste duranti jogu
faze Playoff ba Copa Asia 2019, nebe halao iha loron 2 Junhu no 6 Junhu 2016.
FC
halao investigasaun nee hamutuk ho ekipa husi orgaun maximu futebol mundial,
FIFA.
Liu
husi investigasaun nebe halao, ekipa konjunta AFC-FIFA konsegue identifika
katak iha jogador brazileiru hamutuk 12 mak rejista iha Sistema Administrasaun
AFC nian ho Sertidaun Batizmu ou Sertidaun RDTL falsu.
Dokumentu
sira nee hatama ba administrasaun AFC nian atu justifika katak jogador
naturalizadu ‘falsu’ sira nee bele reprejenta selesaun Timor-Leste ho
razaun sira nian inan ou aman moris iha Timor-Leste.
AFC
konsegue detekta katak informasaun sira nebe FFTL hateten iha dokumentu laran
mesak falsu ou la los. Tamba la iha evidensia katak jogador sira nee sidadaun
Timor-Leste nebe legal.
Website
ofisial husi AFC haktuir tan katak, husi jogador brazileiru 12 nee, nain 9
partisipa jogu 29 husi kompetisaun AFC nian no partisipa mos jogu 7 nebe organiza
husi FIFA.
Ho
utilizasaun dokumentu falsu iha jogu ofisial AFC no FIFA nian, mak Komite
Disiplinar AFC hasai FFTL iha kompetisaun Asia Cup 2023 no FFTL tenki selu
multa USD rihun 20.
Alein
fo sansaun ba FFTL, Komite mos bandu sekretariu-jeral FFTL, Amandio de Araujo
Sarmento, atu involve iha kualker atividade nebe iha relasaun ho futebol
duranti tinan 3 no selu multa USD rihun 9.
Dezisaun
husi Komite Disiplinar AFC nian nee hatoo ona ba FFTL. AFC mos sei informa ba
FIFA katak FFTL utiliza jogador ‘falsu’ iha jogu 7 nebe FIFA organiza
ona.
LEE
KOMPLETU IHA SALVIO ONLINE
Sem comentários:
Enviar um comentário