PR SEIDAUK PROMULGA LEI REKRUTA JUIZ INSPEKTORES

Membru Parlamentu Nasional (PN), husi Komisaun A trata asuntu Justisa no poder lokal, Arão Noe, informa, PN iha nia servisu aprova tiha ona lei hodi rekruta juis inspektores ba tesi kazu sira, maibe infelismente Prezidente Repúblika (PR), Taur Matan Ruak sei ‘trava’ hela hodi la promulga.

Tuir deputadu Arão Noe husi bankada CNRT ne’e katak, Timor-Leste presiza rekruta tan juis inspektor para bele halo avaliasaun ba juis tomak sira-nia servisu.

 “Ita nia Juis terseira klase nain 29 se la sala no ema bolu Juis estajiarius hodi hetan pasa ba segunda klase ne’e iha permeiru lejislatura, iha juis ida ne’ebé halo avaliasaun ba juis sira para sa’e kareira, depois ida ne’e paradu tiha mai kedas iha Prezidente Tribunal Rekursu  Claudio hodi mai la konsege iha Juis inspektor ne’e laiha. Tanba ne’e mak nunka halo inspeksaun ba juis sira atu sa’e kareira, entaun importante ita presiza halo rekrutamnetu ba inspektor Juis nian,”informa Deputadu Arão Noe ba Jornalista sira iha PN, Kuarta ( 18/1/17).

Deputado Arão Noe hatutan, PN obediente aprova tiha ona lei kona-ba rejime tranzitoriu ba rekrutamentu juis sira-nian inklui juis inspektor. Maibe Prezidente Repúblika, Taur Matan Ruak, to’o agora seidauk uza nia poder hodi promulga lei ne’e.

“Se lei ne’e promulga ona  dalan ida ne’e ita bele rezolve juis ba inspektor ba juis, Inspektor ba prokurador sira, hanesan mos inspektor ba defensor publiku sira para sira labele hela deit ho sira-nia estatutu agora. Sira tenki sa’e kareira tanba ne’e mak impornate tebes para halo avaliasaun atu nune’e ita bele hetan juis ne’ebé klasifikasaun diak ba iha Tribunal Rekursu. Tribunal rekursu foin iha juis nain tolu deit ne’e mak agora iha juis nain ida mak moras hanesan Prezidente Tribunal Rekursu moras, iha desizaun ne’e iha sira deside labele halo,  tanba ne’e lei ida premeira alterasaun lei rejime tranzitoriu ba rekrutamentu juis nasionais nian atu salva guarda situasaun sira ne’e hotu por em qaunto Prezidente Repúblika seidauk promulga tanba ne’e mak rekrutamentu ne’e sei paradu,”dehan nia.

Deputado Arão Noe haktuir, rekrutamentu ba juis inspektor ne’e importante atu bele reforsa tan Tribunal Rekursu nomos reforsa Tribunal de Contas hodi tesi kazu sira ne’ebé importante.

“Tenki iha juis inspektor ba iha juis sira, hanesan inspektor ba iha Prokuradores, Inspektor ba iha Defensoria Publiku atu nune’e ita bele hetan klasifikasaun diak ba ita-nia juis ka ita-nia Prokuradores nomos ita-nia defensor publiku sira, para nune’e bele motiva sira  servisu maka’as liu no mos bele iha ema kontrola sira, se lae ema servisu tuir nia gostu. Ita haree ajenda barak mak hala’o sidang (julgamentu) maibe dehan prokurador la mai ne’ebé sidang ne’e adia ka juis tanba moras ka tamba falta  julgamentu foin hala’o adia hotu ne’e tanba sa? Tanba laiha inspeksaun. Kuandu iha inspeksaun ona hotu-hotu komesa la’o tuir ona nia dalan servisu ho seriedade,”dehan Arão Noe.

Nune’e Deputadu ne’e hatutan, Timor-Leste iha lalaok judisiariu nian, tinan 10 tiha ona la halo inspeksaun ba juis sira, no ida ne’e lamentavel tebes.

“Ho lei ne’ebé aprova ona ne’e, se bele Prezidente promulga para fo dalan atu oinsa rekruta juis sira mai hodi halo avaliasaun ba juis sira iha ne’e nia servisu,”tenik deputadu Arão Noe.car

Jornal Nacional