Dili,
(ANTIL) – Konsuladu Timor-Leste (TL) iha nasaun rua, halo ona koordenasaun
ho komisaun eleitorál Australia no Portugal hodi har’e konaba posibilidadebele
suporta materiál ba eleisaun jerál hanesan Urnas, Kabina Votu no fasilidade
sira seluk, maibé Boletim Votus no Tinta sei transporta husi TL.
“Sekretariadu
Tékniku Administrasaun eleitorál (STAE) no Ministériu Administrasaun Estatál
halo ona koordenasaun ho Ministériu Negosiu Estranjeiru atu aproxima governu
Portugues no Australia atu bele disponibiliza materiál balun hodi uza iha
eleisaun prezidensiál no lejislativa” Informa Diretór Jerál STAE, Acilino
Manuel Branco ba ANTIL iha nia servisu fatin, Kaikoli, Sesta (20/01).
Tuir
Diretór Jerál STAE, koordenasaun iha ona resposta pozitiva hosi orgaun ne’eba
nian, hein katak esforsu ne’e bele susesu atu nun’e TL la presiza lori sasan
sira ne’e ba iha liur, maibé ita bele kompleta tan materiál sira balun.
“Lalika
lori materiál hotu-hotu hosi TL ba iha nasaun rua, maibé ita uza sira nian
balun iha ne’eba no husu sira atu ajuda fasilitadór balun hodi fo formasaun ba
ita nia ofisiál sira iha ne’eba” Diretór Jerál STAE dehan.
Normalmente
distribuisaun materiál ba munisipiu nia durasaun pelu menus loron haat ou lima
to’o ona atu nune’e sira bele organiza fila fali halo pakote no transporta ba
kada estasaun, no rai liur hare distánsia hodi bele distribui materiál sira
hodi to’o iha ne’eba.
Sidadaun
Timoroan ne’ebé iha Portugal no Australia tuir ona resenseamentu eleitorál no
atualiza ona ba baze dadus ho totál hamutuk 1,389.
Portugal
iha sidade Lisboa, mane nain 276 no feto 224. Entretantu iha Australia, iha
sidade Darwin hamutuk ema nain 228, mane 116 no feto 112 no sidade Sidney totál
eleitór nain 661, mane 356 no feto 305. Hosi totál eleitór iha rai liur hamutuk
1,389. (Jornalista: Zezito Silva/Editor: Alberto Alves )
Foto:
Diretór Jerál STAE, Acilino Manuel Branco. Foto / STAE
Sem comentários:
Enviar um comentário