Kandidatu
Prezidente Repúblika (PR) ba periodu 2017-2022, Antonio Maher Lopes ‘Fatuk
Mutin’ orgulho, tanba iha sorteu kandidatu PR hamutuk nain’n 8 ne’e,
Tribunal Rekursus (TR) atribui númeru ida (1). Kampanha kandidatu PR sei hahu
iha loron 03 to’o loron 17 Marsu tinan ne’e, kadidatu Fatuk Mutin sei hato’o
ninia programa prioridade hat (4) iha ninia kampaña.
“Laran
ksolok teb-tebes, tanba foin mak hahu e ha’u hetan númeru 1, e númeru ne’e
númeru ne’e fó inisiativa no korajen ba ha’u para bele halo buat ruma, enkuantu
povu fó fiar. Ha’u iha progra 4 mak hanesan fundamenatal, enkuantu primeira
programa mak koezaun entre sidadaun e entre estratifikasaun social ne’ebé mak
dadauk ne’e eziste iha Timor Leste ho baze iha lisan nomos iha ukun, hanesan
tradisaun orijinal Timor ninian no tradisaun adgirida ne’ebé ita simu husi
Igreja Katolika durante 400 – 500 anos, tanba husi parte rua ne’e mestin mak
ita bele koalia konabá soberania Nasaun ninian, soberania rai ninian, soberania
tasi no soberania espasu aero. Hafoin koalia mos konabá soberania povu tanba
povu mak iha poder, fó poder liu husi luta hamutu ho ninia lider sira hodi
harii Estadu ida ne’e,”deklara kandidatu PR, Antonio Maher Lopes ‘Fatuk Mutin’,
ba jornalista sira Sesta (17/02/2017) iha ninia sede ekipa susseco Vila Verde,
Dili.
Nia
afirma, wainhira hetan fiar husi povu ukun rai ida ne’e, sei hametin soberania
Estado Timor Leste, no lori povu tomak partisipa iha dezenvolvimentu Nasaun ida
ne’e.
“Iha
pontu tolu koalia konabá, oinsa Estadu hanesan instrumentu povu ninian, atu
jere rai no Nasaun ida ne’e, e oinsa atu lori povu ne’e atu partisipa
ativamente iha prosseco dezenvolvimentu país ninian e ikus liu planu programa
ba dahaat ninian mak oinsa atu projeta halo projesaun ba formasaun e dedikasaun
Estadu ida ne’ebé justa, solidariu e fraterna, e husi pontus hirak ne’e mak
ha’u sei fa’an durante iha prosseco kampaña prezidencial periodu 2017 –
2022,” tenik Fatuk Mutin.ito
Jornal
Nacional Diário
Sem comentários:
Enviar um comentário