Primeiru
Ministru (PM), Rui Maria de Araújo informa katak, polítika poupansa ne’ebé VI
Governu implementa, hatudu rezultadu ne’ebé pozitivu, tanba Governu konsege
reduz orsamentu bens serbisu kuaze 30%, Orsamentu Jeral Estadu (OJE) 2016.
“Rezultadu
konkretu ka real husi osan ne’ebé poupa, ita haree iha redusaun husi Orsamentu
Jeral do Estadu. Ita kompara tinan 2015 ho 2016, osan ne’ebé tau ba bem serbisu
ne’e reduz kuaze 30%. Se ita koalia konaba despezas sira ne’ebé super floas
ne’e barak mai husi osan bem serbisu ne’ebé númeru konkretu ita poupa to’o
hira, agora ha’u la iha ne’e, maibé de uma maneira jeral ita bele uza hanesan
indikador redusaun orsamentu iha bem serbisu nian ne’e 30 %, ida ne’e inklui
ona kestoen sira hanesan kombustivel ba kareta, manutensaun ba kareta,” hatete
PM Rui Araújo ba jornalista sira, iha Palásiu Governu, Sesta (17/02).
PM
Rui hatutan katak, polítika poupansa ne’e, ne’e maneira jeral ida iha
preokupasaun ida atu fokus ba buat ne’ebé bolu dezpezas superfloas, ne’ebé
hatete despeza ne’ebé sei la halo karik maske la halo nia sei la iha impaktu ba
rezultadu atividade.
Xefi
Governu ne’e esplika katak, iha despeza superfloas barak.
“Ezemplu
instituisoens Governu ida atu halo monitorizasaun ba fatin ida, verifika óbras
ida, nia bele lori ema ida, maibé sé nia lori ema rua ka tolu, pergunta mak
ne’e ema nain tolu ne’e presiza duni atu halo serbisu ne’e ka basta ema ida
deit bele halo. Sé nia ema ida deit halo ona tanba saida maka nia tenki lori
ema na’in tolu. Nia lori ema nain tolu signifika katak despeza superfloas.
Hanesan mós snack ho hahan, presiza duni ema ne’e han, ka nia la han
depois rezultadu husi serbisu nian atu halo ne’e ladun di’ak karik, ida
ne’e mak jestor sira wainhira foti desizaun tenki haree ba ida ne’e”, Xefi
Governu ne’e esplika.
“Área
ida ne’ebé importante mós iha superfloas, maka manutensaun kareta Estadu ninian
ne’e. Sé ita bo’ot sira haree didi’ak jestor sira hala’o buat ne’ebé bolu dehan
trip ticket, ne’e dehan saida. Ezemplu kareta ida ne’e ohin nia halo serbisu
husi ne’ebé ba ne’ebé, kilometru hira, depois to’o fulan ida nia laran nia la’o
kilometru hira ona, depois to’o kilometru hira maka nia presiza halo manutensaun,
normalmente kuandu ita halo ida ne’e loloos, manutensaun regular, kareta ne’e
la estraga lalais,” hatete Xefi Governu ne’e.
Maibe
Xefi Governu ne’e hateten, buat ne’ebé akontese iha trip ticket ne’e maka kuaze
instituisaun maioria maka la priensia halo didi’ak i entaun kareta sira ne’e la
iha manutensaun regular tanba la iha manutensaun regular entaun kareta ne’e
aat, entaun ikus mai manutensaun gastu osan bo’ot liu.
Wainhira
husu konaba master Plan ba kapital Díli nian, ne’ebé lansa iha tinan hirak liu
ne’e, PM Rui hatete katak, master plan ba kapital Díli, iha razaun katak ne’e
importante tebe-tebes, maibé VI Governu nia pontu de vista mak ne’e seidauk iha
master plan di’ak ida wainhira lei na’in ba rai ka terras e properiedades
seidauk iha.
“
Ita tenki halo mapiamentu hotu ba rai ne’ebé maka privadu no rai ne’ebé Estadu
nian. Ita bele halo planu di’ak ida. Mesmu ke lei terras e properiedades iha
ona ita tenki iha buat ne’ebé ita dehan lei ordenamentu territóriu. Lei ne’e
mak regula ita oinsa atu planeia territóriu tomak Timor-Leste ne’e atu
fahe tuir funsoens ne’ebé ita hakarak. Ezemplu sidade ita tau iha ne’ebé, fatin
ba eskritóriu tau iha ne’ebé, fatin ba zona komersial ita tau iha ne’ebé, zona
industrial tau iha ne’ebé, ne’e lei ida kona ba ordenamentu territóriu ne’e mak
regula. No lei ne’e oras ne’e sei debate hela iha Parlamentu Nasional,
agora dadauk Ministru Kay Rala Xanana Gusmão ba defende hela iha
Parlamentu ne’ebá,” hatete PM Rui.
Tanba
ne’e tenik PM Rui, master plan ba kapital Díli ne’e bele halo maibé
presiza lei balun atu enkuadra iha laran, hanesan lei na’in ba rai ho
ordenamentu territóriu ne’ebé presiza tempu oituan tan.des
Jornal
Nacional Diário
Sem comentários:
Enviar um comentário