segunda-feira, 20 de fevereiro de 2017

Veteranus Labele Impede Dezenvolvimentu

DILI – Veteranus Labele impede Dezenvolviemntu neebe maka lao iha Suku laran, tanba too agora povu iha area remotas balun seidauk asesu ba ahi Eletrisidade, tan deit impedementu husi Veteranus balun.

Preokupasaun nee hatoo husi Reprezentante povu iha uma fukun Parlamentu Nasional, Deputadu Paulo Moniz ba STL, Segunda (20/02/2017) iha nia knar fatin PN.

Hau hanoin iha tinan hirak ba kotuk nee governu tau fiar ba veteranus sira, atu kaer projetu eletrisidade, no projetu neebe governu fo laos ba Veteranus hotu hotu maibe, governu fo ba Veteranus neebe iha kompania maka bele kaer, laos haruka Veteranus atu hadau malu hodi impede fali dezenvolvimentu neebe lao iha suku laran,”informa Deputadu Paulo Moniz.

Nia mos informa liu tan katak, parte ida mos governu tenke hare didiak atu nunee labele fo todan hela deit ba Veteranus sira iha baze tanba, dala ruma veteranus ida ba hatama tiha nia proposta iha governu, no loron tuir mai Veteranus ida seluk ba hatama tan fali proposta ikus mai governu aprova hotu proposta sira nee tanba nee, halo veteranus sira hadau malu, no povu maka sai vitima.

Iha fatin hanesan Prezidente Komisaun E neebe maka trata asuntu Infraestrutura e komunikasaun Pedro da Costa hateten, Veteranus sira labele hadau malu projetu maibe buka atu koopera malu hodi dada edezenvolviemntu ba iha povu nia let.

Hatan ba preokupasaun nee Jacinto Viegas alias Roque hanesan Veteranus hateten,  Veteranus la hadau projetu eletrisidade iha rai laran, maibe atu koloka diak liu tan maka, governu liu husi Ministeriu kompetente tenke koloka didiak tuir nia dalan. Madalena Horta

Suara Timor Lorosae

Sem comentários: