sexta-feira, 3 de fevereiro de 2017

Sai Defensor Emilia,Xanana labele Kanta Minimiza Orgaun Judisial

PARTILHAR
DILI – Publik kestiona polemikA kazu Emilia Pires neebe hetan atensaun espesial husi eis PM Xanana Gusmao, neebe haruka karta aberta ba Tribunal hodi defende Emilia Pires.
Tanba tuir sira katak, bainhira Xanana sai defensor ba Emilia Pires, Emilia tenke iha rai laran, para defensor bele defende nia kliente, laos kliente iha rai liur, defensor maka iha nee kanta.

Alarico Daitula hanesan oan husi Komandante David Alex Daitula hateten,  Kazu Emilia Pires kuaze semana ida nia laran iha polemika foun ida iha neeba mosu, husi  maun boot Xanana Gusmao neebe maka sai hanesan advogadu ba Emilia Pires iha kazu nee.

Aat liu tan maka kanta ida neebe maka minimize fali ita nia orgaun judisial, se ita kuandu minimize ita nia orgaun judisial hanesan juis, Prokurador sira maka ema husi nasaun seluk bele hamnasa ita,” dehan Alarico ba STL, iha UNTL, Dili, Sesta (03/01/2017).

Nia dehan, hahu husi Primeiru Governu Konstitusional to agora nee se maka hatene muitu bem liu iha area justisa, ema hotu aprende, Xanana mos sai Primeiru Ministru iha Timor ukun aan maka PM, laos uluk iha ai laran sai Primeiru Ministru.

Alarico hateten,  Emilia Pires hanesan eroi boot ida iha Timor, para Xanana bele minimize  orgaun judisial iha estadu nee, dignidade nasaun nee tau iha neebe,  lei sira nee tau iha neebe, juis no Prokurador sira nia dignidade tau iha neebe, sidadaun Timor neebe maka luta ba Timor ukun aan para hari justisa nee dignidade tau iha neebe.

Iha fatin ketak membru PN husi bankada CNRT Cesar Valente hateten, eis Primeiru Ministru Xanana Gusmao neebe hakerek karta aberta ba Tribunal hanesan parte ida, hakarak espresa nia sentimentu liga ba justisa neebe maka lao iha rai laran. Carme Ximenes

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: