sexta-feira, 3 de fevereiro de 2017

Timor-Leste lidera Índise Demokrasia iha sudeste aziátiku, Kabuverde di’ak liu iha luzófonu

PARTILHAR
Timor-Leste lidera ranking hosi Índise Demokrasia iha sudeste aziátiku no 7.º  iha Ázia no Oseánia tuir  edisaun 2016  ba Índise Demokrasia, ne’ebé fó sai hosi  The Economist Intelligence Unit (EIU).

Iha ranking ne’e, Kabuverde hanesan nasaun luzófonu di’ak liu ne’ebé koloka tuir nível internasionál,  iha pozisaun  23.ª  no Giné Ekuatorial maka piór liu (163.º) entre nasaun 167  no territóriu ne’ebé analiza hosi  EIU ba edisaun tinan ne’e  hosi  índise, badasiak.

Pontuasaun Timor-Leste nian iha ranking mantéin nafatin durante tinan haat, ho valór 7,24 liuhosi  eskala 10 no iha  grupu ne’ebé  kuaze metade hosi nasaun ne’ebé  abranje rejista tuun hosi ninia rezultadu, entre 2006 no 2016.

Agio Pereira, portavós  Governu timoroan, refere  ba faktu kona-ba klasifikasaun atribui  pontuasaun aas  ba prosesu eleitorál no pluralizmu, "reflete eleisaun livre no justa, direitu hili  universal, esforsu sira ho sentidu atu garante liberdade eleitoral no prosesu transferénsia ne’ebé tuir orden administrasaun" públika.

"Ferramentu hosi komparasaun  internasionál  hanesan índise demokrasia sempre hasoru beibeik  dezafiu hodi  garante ninia presizaun. Tanba ne’e, saida maka ita haree reflete duni no komparasaun internasionál seluk kona-ba ita nia liberdade ne’ebé define iha Konstituisaun, liliu  prosesu eleitorál no pluralizmu, tenki defende ho firme", refere iha komunikadu.

"Bainhira ita besik ba eleisaun  prezidensiál  loron  20 marsu no eleisaun parlamentar, fulan balun tan, ita uza foun fila fali no afirma direitu ne’e, konsiente katak, parte barak liu iha mundu, sidadaun sira  laiha direitu no responsabilidade hirak ne’e", nia afirma.


Ita parte  luzófonu, no iha ranking ne’ebé laiha figura Saun Tomé no Príncipe, Kabuverde hanesan klasifikasaun di’ak liu, iha pozisaun 23.ª  ho valór 7,94, tuir fila fali Portugál  iha 28.º ( valór7,86), Timor-Leste  iha  43.º ( valór 7,24 )  no Brazil iha 51.º ( valór 6,9), inklui iha grupu haat ho demokrasia imperfeitu.


Mosambiké  iha grupu ho rejime íbridu, okupa iha 115.º ( valór 4,02), ho nasaun tolu iha grupu ho  Estadu autoritáriu: Angola (130.º  ho valór  3,40), Giné-Bisau ( iha 157.º  ho valór 1,98) no Giné Ekuatorial (163.º ho valór  1,7).

Brazil  ranking  daualuk hosi  Amérika Latina no Portugál iha  17.º  ba  ranking Europa Osidentál. Iha  ranking grupu Áfrika Subsaariana, Kabuverde iha  segundu, Mosambiké  iha  21.º, Angola iha  29.º, Giné- Bisau iha 40.º no Giné Ekuatorial iha 42.º.

Intituladu "Vingança dos deploráveis", ho referénsia ne’ebé konsidera hanesan " revolta popular iha  2016 kontra elite polítika sira ne’ebé haree hosi ema barak  hanesan laiha kontrolu no lareprezenta interesse ema komun sira", hanesan hanesan  edisaun dasia hosi relatóriu.

Atu reune ranking EIU bazeia ba kategoria lima: prosesu eleitorál no pluralizmu, liberdade sivil, funsionamentu governu, partisipasaun polítika no kultura polítika, atribui kada nasaun nota hosi  1 to’o 10.

Bazeia ba valor ne’ebé hetan hosi kategoria lina nasaun sira fahe ba tipu ho rejime lima: demokrasia plena, demokrasia imperfeita, rejime ibridu no rejime autoritáriu.

Planeta ne’ebé rejista iha 2016 valór médiu ho 5,52 (menus désima tolu ne’ebé iha  2015, ho nasaun  72  maka  rejista monu iha ninia pontuasaun totál kompara ho tina uluk, 38 regjista progresu no 57 permanese ho nível idéntiku.

Zona lima iha globu ne'e monu iha sira nia nota - América Latina, Médiu Oriente, Afrika Subsaariana, Europa Osidental no Europa Leste -, no ida ikus ne’e monu maka’as, ho 5.55 ba 5.43.

Laiha  rejiaun maka hetan progresu di’ak liu  iha Ázia no Oseánia no Amérika do Norte paralizadu.

Kuaze metade (49,3%) hosi populasaun mundiál  moris ho tipu demokrasia balun tanba  4,5% moris ho  demokrasia plena (ho  8,9%  iha 2015), relasiona ba  Estados Unidu ne’ebé monu no besik ema millaun rihun  2,6, tuir  EIU moris tuir  rejime autoritáriu.

Iha nasaun  76  moris ho demokrasia, maibé hosi sira ne’e  19 ho demokrasia plena - menus ida  tanba menus hosi  Estadus Unidus ne’ebé pasa ba  demokrasia imperfeitu -  ho nasaun 40 ho rejime íbridu no 51 autoritáriu.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: