Korupsaun Estraga Futuru TL Presiza Kombate

DILI - Kandidatu Independente ba Prezidente Republika periodu 2017 too 2022, Jose Luis Guterres “Lugu” kompromete ba povu katak, karik povu fo konfiansa ba nia sai prezidente republika Timor Leste mak sei kombate korupsaun iha TL.

Tuir Kandidatu Independente, Jose Luis Guterres “Lugu” katak, wainhira povu fo konfiansa ba nia iha eleisaun prezidensial neebe monu iha loron 20 Marsu 2017, mak sei kombate KKN.

Kombate korupsaun sai buat ida ke importante, wainhira povu karik hili, papel prezidente republika, hau sei kontinua servisu neebe Taur Matan Ruak halo,” Kandidatu Independente, Jose liu husi diskursu kampania neebe halao iha kampu futebool suku Letefoho, aldeia rai ubu, Same-Manufahi, Domingo (05/03/2017).

Kandidatu Independente, Jose haktuir, Timor Leste atu ba oin ho diak presiza kombate korupsaun promove kultura Timor Leste, se lae Timor Leste bele namulele. Kandidatu Independente, Jose esplika, eis prezidente republika, Nicolau dos Reis Lobato (Matebian) nia respeita tebes ema ida fundador nasaun Timor Leste nian.

Iha fatin ketak, Obsrvador Politka-UNDIL Francisco Mausoro esplika, korupsaun nudar aktu imoral tanba nee presiza kombate hodi nunee bele dezenvolvimentu nasional lao diak.

Entertantu, Deputadu Bankada FRETILIN, Paulo Moniz Maia afirma, estadu kria ona Komisaun Anti Korupsaun (CAC) atu kombate korupsaun iha Timor Leste. Raimundo S. Fraga

Suara Timor Lorosae