segunda-feira, 6 de março de 2017

Povu Tenki Hili Kandidatura Neebe iha Moral- Haraik Aan

PARTILHAR
BAUCAU - Prezidente Republika Taur Matan Ruak husu povu iha Timor Laran tomak atu hili kandidatura neebe mak hadomi povu, tamba nasaun lapresiza ukun nain neebe hatudu ezemplu Aat hodi hare povu lavale.

Tuir Prezidente Republika Taur Matan Ruak katak oras nee kandidatura nain 8 halo kampaina tan nee husu povu tenki hili kandidatura prezidente Republika neebe mak ukun ho domin.

Ita nia nasaun la presiza sira neebe mak fo ezemplu Aat ba ita, Kandidatura balun besik elisaun mak ba misa, tan nee maromak sei lori sira ba infernu, hau husu imi (Povu red) neebe iha moral no hadomi povu,” dehan Taur liu mensazen badak wainhira partisipa seremonia kultural iha suku Caibada, Sabadu (04/03/2017).

Nia hatete hare planu no programa kada kandidatura sira neebe mak fo ezemplu ba povu no hatudu moral diak ba foin sae sira tamba oras nee mundu globalizadu neebe joven balun lao la tuir dalan los.

Iha fatin ketak observador Politiku nasional ba elisaun Jeral 2017 Antonio da Costa hatete nia parte konsege nota aktividade kandidatura sira durante kampaina lao diak maibe iha konfrontasaun entre apoiantes sira too halo povu nia uma balun rahun.

Nia husu ba parte komisaun nasional elisaun no estae atu hare didiak tamba antes ba kampaina kandidatura sira kompremete paktu unidade nasional no laiha problema maibe realidade akontese. Timotio Gusmao

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: