segunda-feira, 6 de março de 2017

LU-OLO: PR ATU HAMETIN UNIDADE, PAZ NO ESTABILIDADE

Kandidatu Prezidenti Repúblika, Francisco Guterres ‘Lu-Olo’ hateten katak, nia mak eleitu sai  Prezidenti Repúblika (PR) iha eleisaun presidensial mai, sei hametin unidade, estabilidade no garante paz iha Timor Leste.

“Ha’u hakarak atu hateten de’it atu hatun ha’u nia lia hun no abut katak, Prezidenti Repúblika atu hametin nafatin unidade no estabilidade, atu garante paz no estasabilidade, la’os justifika funu iha mak hametin paz no estabilidade,” katak Lu-Olo kampaña preziensial, Domingu (05/03),iha Munisipiu Liquiça.

Iha nia intervnsaun ba nia kampaiña ba loron tolu iha Munisipiu Liquiça,  Francisco Guterres Lu-Olo hateten katak, Lu-Olo kandidatu ba Prezidenti Repúblika  atu hatutan, saudozu sira hotu ne’ebé mak mate ba rai ida ne’e nia mehi.

Kandidatu ho numeru sorteu 2 nee haktuir, Prezidenti labele manda iha Governu, maibé bele halo intervensaun hodi Governu tau iha nia programa kona ba povu nia terus.

“Lu-Olo sei sai Prezidenti Repúblika  ida ne’ebe la serve, kuandu iha eskola ruma aat iha fatin balu, Lu-Olo mai hamutuk ho povu hodi hateten katak, Governu la serve,” katak Lu-Olo.
Nia esplika, Prezidenti halo intervensaun ba Governu atu oinsa mak Governu bele haree, kona ba labarik sira han de’it koto dodok, ikan lanu labarik sira, no han de’it foos dodok.

“Lu-Olo nia prinsipiu mak ida ne’e, povu nia daun tohar ida mós labele foti. Ba Lu-Olo, osan sentavu 5 povu nian, Lu-Olo tauk atu foti, tanba ne’e la’os Lu-Olo nian,” dehan kandidatu Prezidenti Repúblika ne’e.

Nia haktuir, kuandu Lu-Olo sai Prezidenti Repúblika, Timor Leste nian presija sai Xefi Estadu ida ne’ebé los, no orgaun ezekutivu mós, presija Governu ida ne’ebé hantene servisu hodi bele ezekuta nia planu atu bele hadia povu nia moris.

Nia haktuir, Prezidenti Repúblika mak tenki luta ba igualdade social no ekonómika tanba laiha buat diak ida ba ita Timor atu pelemenus moris ho dignidade hanesan ema.

“Prezidenti Repúblika  hakarak mak, iha edukasaun labele iha diskriminasaun ba ki’ak no riku nia oan, sira, labele fó prioridade ba riku nia oan sira mak hamrik iha oin, no ki’ak nia oan sira iha kotuk lai, maibé tenki iha tratamentu hanesan. La’os dehan katak, Governu mak tenki tau matan ba sira, maibé tenki ajuda sira hodi sira bele hatene  moris mesak,” afirma Lu-Olo.

“Orgaun Ezekutivu, Parlamentu Nasionál  no Prezidenti Repúblika labele fila kotuk ba malu, tanba orgaun tolu ne’e, iha ligasaun ba malu, maske ida-ida ho nia funsaun.  Ita ema hamrik kompletu, baihihira ita nia ulun fatuk iha, nia komanda ita nia isin lolon tomak. Ha’u fiar katak, ho Lu-Olo nia Preziensia husi 2017 to’o 2022, ulun fatuk sei ida de’it atu ita la’o ba oin di’ak liu tan,” katak Lu-Olo.

Antes hahu kampaña, militantes FRETILIN, no komunidade tomak Liquica, tara tais ba Lu-Olo, Sekjer Alkatiri, Sekjer CNRT, Dionisio Babo, Rogerio Lobato, reprezentante Partidu CASDT, Prezidenti PEP, Ano Gusmão.

Lu-Olo ho Sekjer  FRETILIN, Mari Alkatiri to’o iha fatin kampaina iha oras tuku 13: 20 Otl, hodi simu direita husi lia na’in  sira husi Munisipiu Liquica,  no fó hatais ho kultura Suku ne’e nian.

Partisipa iha kampaña ne’e mak hanesan, Sekjer CNRT, Dionisio Babo, Vice Prezienti CNRT, Virgilio Smith, Prezidenti Parlamentu Nasionál, Aderito Hugo, Jacinto Rigoberto, Francisco Kalbuadi Lay, ho membru Governu CNRT balu no membru Parlamentu CNRT, Primeiru Ministru, Rui Maria de Araújo, Ma Hunu, Rogreio Lobato, veteranu sira, reprezentante partidu UNDERTIM.cos

Jornal Nacional Diário

Sem comentários: