Loron dahuluk kampaña iha Timor-Leste ho insidente ida- komandante polísia

Loron dahuluk kampaña ba prezidensiál iha  Timor-Leste la’o sein  problema rejista deit  insidente ida iha arredór  Díli, ne’ebé  konsege detidu ema na’in haat, haktuir ba Lusa komandante polísia.

Júlio Hornay, komandante Polísia Nasionál Timor-Leste (PNTL) esplika ba Lusa katak  úniku  insidente ne’ebé to’o agora rejista akontese iha  sesta-feira bainhira grupu kiik ida ho ema na’in haat  ka lima hosi simpatizante Partido Democrático (PD) tuda grupu apoiante Fretilin (Frente Revolucionária do Timor-Leste Independente)  ne’ebé fila mai Díli hafoin realiza kampaña iha Ermera, sul kapitál nian.

"Militante Fretilin nian fila fali mai Díli no to’o iha  Comoro [entrada osidental kapitál nian ] iha grupu kiik ida halo atake ba kareta no  joven sira  responde", nia esplika.

"Laiha  ema ruma hetan kanek, iha kareta no motor balun maka hetan estragu no suspeitu na’in haat detein ona no agora sei aprezenta ba Tribunal Díli", nia refere, no esplika tan katak insidente ne’e iha  zona Rai Kotu, Comoro.

Júlio Hornay esplika katak ne’e hanesan  úniku insidente ne’ebé rejista dezde hahú kampaña iha sesta-feira ne’e relasiona ba  situasaun jeral   nasaun nian "ne’e normalidade totál".

Prezidente Komisaun  Nasionál Eleisaun (CNE), Alcino Baris, esplika katak autoridade eleitorál no  polisia " sei latolera kualkér asaun violenta  hosi indivídu ka grupu ne’ebé atua atu kauza distúrbiu"  iha  prosesu eleitoral.

"Massa  Fretilin nian ne’ebé hetan  provoka hosi joven utiliza  atributu PD. Pessoal Fretilin nian halo reajen ba provokasaun ne’ebé  só halo deit estragus ba materiál", haktuir  Baris.

"PNTL halo intervensaun lalais no CNE, iha loron tuir mai, bolu parte rua, kandidatu Lu-Olo (Fretilin) no kandidatu António da Conceição (PD)  no sira ne’ebé envolve kondena tebes saida maka akontese ", nia afirma.

Responsável CNE esplika katak kandidatu na’in rua reafirma sira nia komprimisu ba kampaña ida livre hosi  violéncia no "apela ba simpatizante atu labele repete fila fali hahalok ne’ebé labele tolera".

Kandidatu na’in ualu  aprezenta ba eleisaun iha loron  20 fulan-marsu oin mai.

Kampaña sei hala’o to’o 17 marsu, loron ne’ebé marka úniku debate eleitoral, ba na’in ualu, transmite hosi televizaun.

SAPO TL ho Lusa - Foto@ António Dasiparu/ Lusa