domingo, 26 de março de 2017

L4 :“Ami Fo Onra no Agradese Lu-Olo Eleitu Husi Povu”

DILI – Veteranu balun fo onra no agradese ba povu Timor Leste neebe fo fiar ba kandidatura Prezidente Republika Francisco Guterres Lu-Olo sai Prezidente Republika durante tinan 2017-2022.

Tuir Veteranu atual Segundu Vice Prezidente Interinu Partidu Libertasaun  Andre da Costa belo hatete, nudar lideransa partidu PLP Interinu agradese ba povu Timor Leste tomak neebe fo ona fiar ba Lu-Olo sai Prezidente Repulika.

Ita iha elisaun demokratiku, Povu hili Francisco Guterres Lu-Olo nudar ema veteranu ida, Ami partidu libertasaun Popular fo agradese no onra ba ita nia prezidente foun,” dehan L4 ba Jornalista Domingu (26/03/2017) Iha Edifisiu eis Mejid, Fatuhada.

Nia hatete dirasaun nain hat hanesan Xanana Gusmao, Taur Matan Ruak, Lu-Olo no Lere Anan Timor laiha ema ida mak diskrimina sira tamba sira sakrifika Aan hodi lidera funu too remata.

L4 hatete Lu-Olo Eleitu sai prezidente bele hare partidu hotu-hotu hanesan no mos povu tomak tan nee PLP konfia katak Lu-Olo sei lori povu Timor Leste ba oin no mos servisu hamutuk ho povu tomak.

Nunee mos Prezidente Konseilu Nasional Joventude Timor Leste (CNJTL) Maria dadi Magno katak povu hakarak liu mak Prezidente foun hare liu ba asuntu justisa,  no mos lei pensaun vitalisia neebe povu hein maske parlamentu halo ona alterasaun maibe povu hakarak hamos total. Timotio Gusmao

Suara Timor Lorosae

Sem comentários: