domingo, 26 de março de 2017

PLP Sei Luta Halakon Pensaun Vitalisia, Hatama Koruptor ba Kadeia

PARTILHAR
DILI - Partidiu Libetasaun Popular (PLP) moris hodi luta atu halakon pensaun Vitalisia, tamba maioria povu Timor Leste sei moris kiak nomos luta hodi hatama koruptor ba iha kadeia, tuir lei neebe vigora iha Timor Leste.

PLP kontinua halo konsilidasaun partidu no fo tomada de posse ba estrutura partidu PLP iha nivel aldeia no suku Fatuhada postu Dom Aleixo Munisipu Dili hodi prepara Aan ba kongresu nasional no mos elisaun parlamentar.

Remata aktividade konsolidasaun Partidu, segundu Vise Prezidente PLP Andre da Costa Belo alias L4 hatete PLP moris atu halo mudansa iha Timor no mos luta hodi halakon pensaun Vitalisia ba grupu eleite sira.

Ami nia politika neebe ami la aseita liu mak pensaun vitalisia, PLP kuandu hakat ba oin buka atu hamate pensaun Vitalisia no mos tenki hatama ema koruptor sira ba kadeia,” dehan L4 ba Jornalista Domingo (26/03/2017) iha Eis Mejid, suku Fatuhada.

Nia hatete rajaun PLP hakarak atu hamate pensaun vitalisia mak povu barak sei moris kiak tamba nee PLP halo konsilidasaun iha suku fatuhada hodi hametin estrutira partidu nian too iha nivel aldeia.

Iha fatin hanesan Xefi Suku Fatuhada Marcelino Soares hatete nudar lideransa komonitaria sai parseiru ba partidu politiku hotu-hotu tamba sai lideransa iha suku sai hanesan matan no tilun ba povu suku fatuhada nian. Timotio Gusmao

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: