domingo, 26 de março de 2017

Loron PNTL, PM Rui Fo Parabens Mesmu Iha Difikuldade

DILI – Primeiru Ministru (PM) Rui Maria de Araujo rekonese Polisia Nasional Timor (PNTL)sei iha difikuldade barak, maibe Xefi Governu fo agradese no parabens, tanba sira halao serbisu durante kampania eletoral too eleisaun konsege mantein orden publiku neebe diak.

Lia hirak nee hatoo husi PM Rui, ba Jornalista sira hafoin remata komemorasaun loron mundial bee mos, iha Tibar, sesta (24/03/2017).

Hau agradese PNTL nia serbisu tomak durante kampania eletorais nomos elisaun iha 20 marsu nee, sira konsege mantein ordem publiku neebe diak, needuni hatoo parbens ba PNTL hotu-hotu, mesmu PNTL rasik sei iha difikuldades barak, maibe ho Ministru foun no Komandu PNTL foun sira buka atu rezolve,”hateten PM Rui.

Xefi Governu nee aumenta tan katak kestoen balun, liu-liu iha area formasoes, iha area oinsa atu koloka ema neebe los iha fatin neebe los, oras nee prosesu nee lao, purtantu nenei-neneik sira halao esforsu nee tomak iha ambitu professionalisasaun PNTL nia.

Iha loron PNTL 27 marsu nee, Xefi Goveru halo votus ba selebrasaun ida neebe diak, maibe  hodi governu nia naran hakarak hatoo mos parabes importante ba sira hotu.

Iha parte seluk Ativista Direitus Umanus Nuno da Concecao Sarmento hatoo mos parabes ba PNTL nia loron, neebe sei komemora iha seguda dia 27 marsu 2017. Joao Anibal

Suara Timor Lorosae

Sem comentários: