quinta-feira, 16 de março de 2017

ONU rekomenda ba nia funsionáriu sira hodi hakmatek iha uma

PARTILHAR
Eskritóriu ONU nian iha Timor-Leste rekomenda ona ba nia funsionáriu sira katak, karik bele, hela hakmatek iha uma durante tempu ikus kampaña nian ba eleisaun prezidensial sira iha loron-segunda, hodi evita konsentrasaun hosi militante sira partidu nian.

Rekomendasaun halo parte hosi avizu seguransa ida ne'ebé fahe iha parte internu hos kuadru ONU nia iha Timor-Leste hosi Departamentu Seguransa no Protesaun Nasaun sira nian (UNDSS, sigla iha lian inglés) no ne'ebé maka Lusa hetan asesu.

"Hahú loron-sesta no to'o eleisaun remata, bainhira la halo deslokasaun iha nasaun laran, tenki hela iha uma to'o prosesu eleitoral remata", rekomenda hosi UNDSS, iha textu ne'ebé haruka ona ba organizasaun internasional sira iha Timor-Leste.

UNDSS rekomenda mós atu evita "kampaña sira no grupu boot sira ne'ebé mosu espontáneu", la'o iha zona balun iha sidade - liuliu iha Tasitolu (ne'ebé iha loron-sesta sei iha kampaña final sira), Bekora, Beto ho Bebonuk. Rekomenda mós evita halo viajen entre tuku 12:00 no 18:00 entre Díli ho vila Liquiçá, oeste kapital nian, ne'ebé sei iha mós kampaña ikus ida.

Embaixador Portugal nian iha Díli, Manuel Gonçalves de Jesus, hasai mós email badak ida iha loron-kinta ne'e, hodi rekomenda ba sidadaun portugés sira "prudénsia balun iha loron-sesta loraik" tanba "iha kampaña eleitoral rua iha Díli".

"Ikusmai no sei iha ámbitu hosi eleisaun prezidensial sira, ami hakarak rekomenda kontensaun ruma bainhira sai hosi sidade Díli iha findesemana loron 18 no loron 19 oinmai", hakotu hosi e-mail ne'ebé inklui mós folletu ida ho informasaun útil sira.

Avizu hanesan fó sai mós hosi embaixada australianu iha Díli, ne'ebé refere katak iha "violénsia ne'ebé iha ligasaun ho kampaña sira iha Díli" no konsidera katak "karik bele mosu tan violénsia".

Kampaña eleitoral, ne'ebé hotu iha loron-sesta, halo dalabarak lahó insidente sira, ho de'it rejistu ba kazu ida iha loron dahuluk nian.

Insidente ne'e envolve apoiante na'in haat hosi kampaña António da Conceição nian (ne'ebé apoia hosi Partidu Demokrátiku), ne'ebé tuda karreta sira hosi militante Fretilin sira nian ne'ebé foin fila hosi kampaña ida. Laiha vítima ida.

Ema australianu sira rekomenda atu evita enkontru espontáneu sira, demonstrasaun sira no protestu sira "tanba situasaun seguransa nian bele sai aat lahó avizu ruma".

Maski kampaña hotu iha loron-sesta no iha loron rua ba períudu reflesaun nian, embaixada hatete katak bele "aumenta kampaña sira iha findesemana loron 17 to'o 20 Marsu".

Kandidatu na'in ualu aprezenta ona ba eleisaun loron 20 Marsu.

Meza sira votu nian sei loke entre tuku 07:00 to'o tuku 15:00, oras lokal.

Governu fó toleránsia loron rua, iha loron-segunda no loron-tersa, parajen ne'ebé halo mós hosi área privadu. Banku ho eskola portugeza iha Díli sei taka.

Toleránsia sira hakarak permiti atu eleitor sira bele halo viajen ba fatin sira ne'ebé sira halo rejistu hodi bele vota, iha kazu barak, no tanba kondisaun sira estrada nian, halo viajen sira demora oras barak.

SAPO TL ho Lusa - Foto@ António Dasiparu /EPA
PARTILHAR

Author: verified_user

Publicação luso-timorense sem fins lucrativos

0 comentários: