Alkatiri Sei Asumi Kargu Prezidente Partidu Fretilin

DILI – Sekretariu Jeral partidu Fretilin Mari Alkatiri sei asumi kargu Prezidente Partidu wainhira Francisco Guterres Lu-Olo simu tomada de pose, nudar prezidente Republika iha 20 Maio 2017.

Tuir Prezidente Republika Eleitu atual Prezidente Partidu Fretilin Francisco Guterres Lu-Olo hatete, Prezidente Republika nia kompetensia inkompetivel ho kargu institusaun publiku sira seluk.

Hau rasik kaundu Asumi iha 20 Maiu hanesan Prezidente Republika, funsaun Prezidente partidu nian hau husik hela ba Mari Alkatiri nudar Sekretariu Zeral tuir estatutu partidu nian,” dehan Lu-Olo ba Jornalista, Sabadu (01/04/2017) iha Igreja katedral.

Nia hatete Kargu Prezidente partidu Fretilin sei asumi husi Sekretariu Zeral Mari Alkatiri hamutuk ho Vice prezidente partidu nian rua mak hanesan Francisco Branco no Aniceto guterres inkliu vice sekretariu Zeral sira hodi halao aktividade Partidu Fretilin nian. Timotio Gusmao

Suara Timor Lorosae