segunda-feira, 3 de abril de 2017

“Prosesa” Funsionariu Publiku Involve Atividade Kanprez

PARTILHAR
DILI - Provedoria dos Direitus Humanus e Justisa (PDHJ) nudar instituisaun independente estadu, neebe estabelese hodi proteje no promove direitus umanus no promove governasaun diak iha Timor Leste.

Tuir Provedor dos Direitus Humanus e Jistisa (PDHJ), Silveiro Pinto Baptista katak, liu husi ekipa monitorizasaun 12 munisipiu inklui Rejiaun Autoridade Espesial Oekuse Ambeno (RAEOA), identifika katak funsionariu publiku involve atividade kampania no uza patrimoniu estadu.

Agora lista nee iha hotu ami ona, no ami sei haruka ba Komisaun Funsaun Publika (KFP) atu halo prosesu ba iha funsionariu publiku sira,” dehan Provedor PDHJ, Silvero liu husi konferensia imprensa iha salaun PDHJ, Caicoli-Dili, Segunda (03/04/2017).

PDHJ haktuir, funsionariu hirak nee alista ona iha ajenda PDHJ nian sei produz ba relatoriu hodi haruka ba iha KFP, Ministeriu Publiku (MF) hodi prosesa funsionariu hirak nee. Silveiro afirma, ba funsionariu publiku balun neebe mak uza patrimonia estadu nian hanesan motorizada no mos kareta kontra regra tranzitu tanba hasai xapa matrikula halai iha estrada publiku.

Iha fatin hanesan Diretora fiskalizasaun no rekomendasaun PDHJ, Filomena Maria de Fatima esplika, husi loron 3 too 23 fulan Marsu 2017 ekipa PDHJ halo monitorizasaun ba atividade kampania eleisaun prezidensial. Raimundo S. Fraga

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: