CPLP sei hakotu projetu apoia jurídiku ba Guiné Ekuatoriál hodi halakon pena kapitál

Komunidade Nasaun Lian Portugés (CPLP) iha “loron hirak tuir mai” sei hakotu projetu ida ne’ebé fó asesoria téknika no jurídika na Guiné Ekuatoriál hodi halakon kastigu mate, tuir sekretária-ezekutiva organizasaun nian fó sai horisehik. 

“Sekretariadu Ezekutivu hosi CPLP prepara hela projetu ida hodi apoia autoridade guinense sira. Dokumentu refere sei diskuti hosi autoridade hothotu. Iha loron hirak tuir mai, dokumentu ne’e sei iha duni, atu nune’e bele fó apoiu asesoria téknika no jurídika hodi halakon pena morte”, dehan Maria do Carmo Silveira ba jornalista sira, durante konferénsia ida kona-ba direitu umanu no pena morte iha Guiné Ekuatoriál, iha duni sede organizasaun luzófona nian, Lisboa.

Sekretária-ezekutiva ne’ebé hahú ninia mandatu tinan rua ba CPLP iha fulan janeiru foin daudaun, dehan katak gosta atu tema ne’e remata ona iha períudu ida ne’e.

"Ha’u sei halo buat hotu, atu ikus mai bele iha avansu pozitivu, konkretu", garantiu. Guiné Ekuatoriál, garante iha "konsiénsia katak presija atu hala’o prosesu ne’e”, no fi’ar katak “sei kumpri kompromisu” Guiné Ekuatoriál nian, bainhira iha 2014 adere ona ba CPLP, ho nune’e bele halakon kastigu mate.

Iha konferénsia ne’ebé visi-primeiru-ministru Guiné Ekuatoriál datolu, Alfonso Nsues Mokuy halo parte ba, nia husu apoiu hosi nasaun-membru CPLP nian, hodi fó tulu juridika no téknika ba nasaun ne’e, hodi hamoos ka halakon tina pena kapitál.

SAPO TL ho Lusa