sexta-feira, 7 de abril de 2017

Dekretu Titularidade Bens I moveis, Taur Husu Fiskaliza Tribunal

PARTILHAR
DILI – Dekretu Parlamentu Nasional rejime espesial konaba definisaun titularidade bens I moveis neebe pakote ida hamutuk ho lei rai, Prezidente Republika Taur Matan Ruak husu fiskalizasaun Konstitusionalidade Tribunal Rekursu.

Liu husi karta komonikadu neebe STL asesu husi Media palasiu Prezidensial, Kinta (06/04/2017) katak Prezidente Republika Taur Matan Ruka husu ona ba Tribunal Rekursu atu halo fiskalizasaun preventive konstitusionalidade ba dekretu Parlamentu nassional numeru 39/III- rejime espesial kona ba definisaun titularidade bens I moveis.

Bazea ba karta komonikadu nee katak Pontu hirak neebe hamosu duvida kona ba konstitusionalidade mak hanesan ekilibriu entre sistema normas, neebe mak uza iha prosesu rekoinesementu ba titulu propriedade uluk nian.

Iha karta Komonikadu nee Prezidente Republika Taur Matan Ruak fiar katak tribunal rekursu sei esklarese duvida sira neebe hamosu husi lejislasaun inportante ida nee.

Iha Fatin ketak Vice Xefi Bankada Fretilin, Francisco Miranda Branco hatete Prezidente Republika iha knar atu hare no observa kuandu dekretu parlamentar neebe aprova husi parlamentu knar prezidente nian iha direitu tomak atu promulga no veta.

Dekratu parlamentar neebe aprova husi parlamentu invia ba prezidente Republika kona ba titularidade bens imoves no mos lei eleisaun parlamentar, knar prezidente nian atu promulga no veta nee kompetensia tomak prezidente nian,” dehan Branco.

Branco hatete katak Parlamentu nia hare laiha material ruma neebe presiza atu hare inkonstitusionalidade ruma husi proposta lei rua hanesan titularidade bens imoves no lei eleisaun parlamentar. Timotio Gusmao

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: