DILI
(TATOLI) – Brigada kuaze ema main 800 ne’ebé hala’o servisu durante iha
eleisaun prezidensiál hetan ona pagamentu ba sira-nia direitu durante fulan
tolu hahú husi Janeiru to’o Marsu 2017.
Diretór
Jerál Tezouru, Ministériu Finansa (MF), Rui Ferreira ba Ajénsia Tatoli informa,
pagamentu ba brigada sira mai husi Sekretariadu Tékniku Administrasaun
Eleitorál (STAE), liuhusi payroll, Diresaun Nasionál Pagamentu haruka tiha
ona ba Banku Sentrál.
“Serteza,
sira simu tiha ona, ne’e ema 800 resin,” Rui hatete iha edifisiu MF, Kinta
(06/04/2017).
Nia
hatutan pagamentu tuir mai tanba hatama ona iha sistema payroll nian,
nune’e fulan-fulan laiha ona prosesu no iha Abríl ne’e selu normál ona.
“Parese
sira halo kontratu tarde, fulan tolu foin haruka mai ne’e mak husi Janeiru to’o
Marsu ne’e foin iha dia 29 ne’e mak haruka ba,” nia informa.
Antes
ne’e, brigada hamutuk 65 husu STAE atu halo pagamentu ba sira tanba besik atu
tama fulan haat sira seidauk simu saláriu.
Kontratu
ne’ebé STAE halo ho brigada sira ne’e durante fulan hitu, husi Janeiru to’o
Jullu no bazeia ba kontratu brigadista sira iha direitu fulan ida hetan US$ 221
ho halo treinamentu ba votante sira, formasaun ba polling staff no
treinamentu balun.
Brigada
Francisco Matias Gusmão informa, husi nia parte hetan ona pagamentu ba fulan
hirak refere. (Jornalista: Maria Auxiliadora / Editor: Gantry Meilana)
Foto:
Brigadista 65 husu governu atu halo pagamentu ba sira, Foto ANTIL/Zezito Silva
Sem comentários:
Enviar um comentário