sexta-feira, 14 de abril de 2017

Investe Osan Fundu Petroliferu, Hetan Retornu Liu 3%

PARTILHAR
DILI – Politika governu hodi investe osan fundu pertoliferu, kada tinan Timor Leste (TL) hetan retornu liu 3%.

Tuir Vise Ministru Finansas Helder Lopez katak governu mai ho politika ida atu halo imprestimu, molok halo ida nee konsideira fatores lubuk ida, politika imprestimu governu halo nee, molok halo sira husu sira nia aan.

Karik hau iha osan atu uza ba dezenvolvimentu, osan nee maka fundu fetroliferu, nusa maka hau la uza ida nee ba fali impresta halo fali dezenvolvimentu, liu-liu halo ba projetu infratrukturas sira, perguntas ida nee ami mos husu ba ami nia aan, nusa maka ita la uza ita nia osan rasik ita inpresta maka halo fali dezenvolvimentu, ho ida nee bainhira ita atu ba impresta ita konsideira fatores lubuka ida, primeiru sobre kustu neebe involve, ita nia osan fundu petroliferu nee ita investe kada tinan purvolta liu 3% ninia retornu neebe ita hetan,” hateten Helder, ba Jornalista sira, iha Palasiu Governu, kuarta (12/04/2017).

Governante nee aumenta tan katak bainhira ba inpresta, tanba TL nia osan investe hetan retornu liu 3%, wainhira governu ba impresta ema nia osan, governu husu kedas ba osan nain katak atu impresta osan, maibe la bele liu 3%, kuandu liu 3% governu sei la impresta.

Iha parte seluk Ekonomista Luis Freitas hateten governu ho politika oi-oin atu jere fundu petroliferu hodi hetan retornu, tanba nee sira deve osan husi duador internasional sira, nia fuan menus husi 3%. Joao Anibal

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: