DIT Selebra Aniversariu Ba Dala 15

DILI – Loron (10/ Maiu /2017), Dili Instituto Of Teknolojia (DIT) selebra aniversariu ba dala sanolu resin lima (15), ho misa agradesementu neebe prezidi husi Bispu Dioseze Dili, Dom Virgilio do Carmo da Silva, SDB.

Dom Virgilio iha homilia dehan tema sentral liturjia mak agradesementu fundamentu ba komportamentu domin, tanba nee, sao Paulo motiva sarani sira hakiak ambitu no atitudi ida nee atu agradese.

Falta de apersiasaun ba buat diak sira nee hotu, tanba saida, karik mos tanba ita nian ego, tanba ita nia aan dala ruma la permiti ita la apersia ema seluk ninia domin, satan maromak, iha segunda leitura kontinua hatudu oinsa importansia agradese iha ita ema nia moris, ita mos hakfodak liu tan bainhira iha evanjelu ita rona ona oinsa jesus rasik lamenta no preokupa ho  ema neebe la hatene apersia no ema neebe mak la hatene agradese buat neebe nia simu, nee duni buat rua neebe mak ita atu reflekte klean tan uituan, liu-liu konaba evanjelu ninia,” dehan Dom Virgilio liu husi humilia iha misa agradesementu ba aniversariu DIT iha knua DIT, Aimutin, Dili, Tersa (09/05/2017).

Virgilio hatete, lolos orasaun buka atu kompriende saida mak maromak nian vontade iha ema hotu-hotu nian moris, laos obriga maromak tuir ema ida-idak nia hakarak, maibe buka maromak nia vontade, tanba nee preokupasaun mak dehan, saida mak maromak hakarak husi ema ida.

Iha fatin hanesan Reitor DIT, Manuel Vong, iha diskursu agradese ba Prezidente Republika no Dom Virgilio neebe mak iha disponibel mai selebra misa agradesementu 15 anos DIT ohin loron. Jacinta Sequeira/Natalino T. Da Costa

Suara Timor Lorosae