THETIMORNEWS.com
DILI – Sekretariu Tekniku Administrasaun Eleitoral (STAE) sei aumenta tan
sentru votasaun hamutuk 100 resin iha Eleisaun Parlamentar (ElPar) nian nune’e
eleitor bele partisipa masimu.
Diretor
Jeral STAE, Acilino Miranda Branco hatete, iha preparasaun ElPar nian, STAE
aumenta tan sentru votasaun iha rai laran nomos iha rai liur.
“Preparasaun
ita nian ba ElPar ne’e lao diak tebes, tanba iha faze preparasaun ita konsege
aumenta tan sentru votasaun 100 ital, hanesan ne’e ho estasaun de votus ne’e
mos aumenta tan atu nune’e sentru sira ne’e bele besik liu ba komunidade sira
atu bele partisipa masimu iha eleisaun,” dehan Acilino Branco ba TTN, iha
edifisiu STAE Caicoli, Segunda (08/05/2017).
Nia
hatutan, eleisaun Presidensial nian ne’e estudante barak mak la ba partisipa
tanba iha difikuldade ba hela fatin, ho nune’e STAE halo ona
aktualizasaun ba kartaun eleitoral hahu loron 8 Juñu to’o 26 Maiu.
“Iha
periudu ida ne’e ita tenta halo atendimentu ida ne’ebe mak masimu ba iha
Universidade sira iha mos komunidade balun ne’ebe mak seidauk iha kartaun
eleitoral, ita hare estudante barak no komunidade sira balun hela iha
Dili, maibe kartaun eleitoral iha foho hela to’o eleisaun sira la ba vota tanba
iha difikuldade entaun ho ida ne’e ami foti ona desizaun atu halo
aktualiza kartaun hirak ne’e atu nune’e to loron Eleisaun vota deit iha Dili ka
fatin ne’ebe mak sira hela ba,” nia dehan.
Nia
hatete, agora daudaun STAE halo hela atendimentu kartaun iha rai liur hanesan
Portugal, Australia, Korea no Irlandia atu nune’e Timoroan sira hela iha ne’eba
bele partisipa iha ElPar 2017.
Nia
dehan, oras ne’e daudaun Brigada sira iha hela suku tomak tuir sentru votasaun
ne’ebe mak iha hodi halo sosializasaun ba komunidade hotu atu
nune’e bele partisipa Elisaun ho masimu.
Total
sentru votasaun iha TL laran tomak hamutuk 850 no estasaun 1, 121.
The Timor News | Hortencio
Sances | Editór: João DA COSTA
Foto:
STAE iha Eleisaun Parlamentar aumenta tan sentru votasaun ih arai laran no rai
liur. Hanesan iha filmazem, tekniku STAE sira wainhira hare material eleisaun
prezidensial hodi haruka ba rai liur. Photo: TTN/Hortencio Sanches
Sem comentários:
Enviar um comentário