terça-feira, 9 de maio de 2017

PN Laratifika PTR no Ezonera PJR

PARTILHAR
DILI – Parlamentu Nasional laratefika Prezidente Tribunal Rekursu Deolindo dos Santos no ezonera Prokurador Jeral Republika Jose da Costa Ximenes, neebe Prezidente Republika Taur Matan Ruak nomea foin lalais.

Parlamentu Nasional iha loron Tersa (9 Maiu) halo diskusaun ba rezulusaun numeru 33/III (5a) ratefikasaun ba nomeasaun PTR Deolindo do Santos no rezolusaun nunemru 34/III (5a) pedidu ezonerasaun imediata ba PJR Jose da Costa Ximenes, neebe PR Taur Matan Ruak fo pose iha dia 28 Abril 2017.

Liu husi votasaun direita PN aprova rezulusaun numeru 33/III (5a) pasa ho votus afavour 46, kontra 0 no abstensaun 0, no rezolusaun numeru 34/III (5a) pasa ho votus afavour 46, kontra 0 no afavour 0.

Hafoin remata votasaun Vise Prezidente komisaun A (PN) Deputadu Arao Noe hateten Tribunal Superemiu seidauk estabelese, Prezidente Tribunal Rekursu halao knar sira, tanba nee maka PN tuir konstituisaun haruka para atu halo ratefikasaun.

Ami ezerse deit ami nia funsaun hanesan Parlamentu Nasional tuir artigu noventa sinku numeru tres, alina A,” dehan deputadu Arao.

Kompetensia Prezidente Republika tuir deputadu Arao katak, Maka halo nomeasaun, no kompetensi Parlamentu Nasional nian maka halo ratefikasaun.

Iha fatin hanesan Xefi bankada FRETILIN Aniceto Guterres hateten iha nee lakestiona Prezidente Republika halo nomeasaun ba PTR, tanba iha lei hateten klaru ona iha neeba. Maibe FRETILIN tuir deputadu Aniceto, kestiona nomeasaun nee halo bainhira antes de mandatu remata. Carme Ximenes/Guilhermina Franco

Suara Timor Lorosae
PARTILHAR

Author: verified_user

Publicação luso-timorense sem fins lucrativos

1 comentários:

Anónimo disse...

Kestaun ba nomesaun PTR no PJR sai hanesan asuntu fundamenta pais nian halo konke Representante Povo iha uma fukun PN hasai resolusaun.

Ita hotu asiste iha lejislatuta ida neé nia laran PN uza ninia kompetensia ho hasai resolusaun atu resolve kestaun hot-hotu (kiik ka boot).

Horseik loron 9/5/2017, dala ida tan PN hasai Resolusaun hodi la aseta nomesaun PTR no PJR nian.

Fou-foun Kuandu nomesaun neé fo sai iha Públiku, Sr. deputadus sira reaje kedas ho deklasaun katak, nomesaun ne inkontisional, no iha razaun selu-seluk tan. Maibe, iha notisia neé fo sai deputadu sira konkorda ho nomeasaun (PTR nian) neé maibe lakonkorda tanba PR ihan ona mandatu remata mak halo fali nomesaun refere. Ida neé hatudu katak laiha korelasaun lojika.

Se ita halo observasaun didiak konstituisaun republika hateten katak kopetensia PR nian mak halo nomeasaun no exenorasaun ba supremo Tribunal de Justisa-artigu 86, j)(nebeé mak oras neé dadaun Tribunal rekursu mak hanesan instansia unika halo knar ida neé). No artigu 86, k)nebeé mak refere ba nomesaun PJR.

Iha konstituisaun hatur kompetensia PN, konaba ratifikasaun ba nomesaun PTR nian (artigu 95, nu. 3, a).

Se ita kolia kona ba etika politika, orgaun 2 (PR no PN) iha ona kompetensia rasik nebe mak atribui hosi konstituisaun. Ida ne atu hatete katak PR halo nomeasaun ka exenorasaun, PN ratifika nomesaun neé, laos atu levanta fali diskusaun kona ba nomesaun neé. Tansa antes PR halo nomeasaun refere, naran nebe mak mosu ba PR mai hosi konsellu majisratura sira, nebeé mak kompostu hasi ema nain 5 nomeadu hosi: PR nai 1, governu nain 1, PN rasik mos nain 1, no entre juiz sira nain 1.

Ida neé atu hateten katak konsellu majistratura fo naran ka proposta naran ba PR ho razaun ona katak hare duni ba perfil juiz ida nebé mak servi atu ba asumi knar PTR nian.

Pergunta boot bosu mak neé tansa mak PN duvida fali kapasidade juiz sira nian se sira rasik lahatene prosesu konaba avaliasaun juiz sira nian no konsellu majistradu rasik la kestiona??

Ita bele halo konklusaun badak katak deputadus sira"iha interese politik", sira laos ona sai hanesan ibu nain povo nian maibe sai ibu nain ba grupus, kolegas ka familia nian deit. atu hateten katak se mak laiha maluk ka familiares iha PN ni-nia lian no halerik monu let deit ba rai, alias la levatan iha PN. Povo kontinua moris iha mejeria no halerik, grupo elite sira mak kontinua favoresidu.

Bem aja!